Politike

Mesazh në mesnatë/ Basha i përgjigjet Ramës: SHBA nuk na ka asnjë borxh, ne nuk lajmë dot kurrë borxhin ndaj tyre

Sipas Bashës, aleatët tanë strategjikë nuk kanë asnjë borxh nga ndesh, por sipas tij ne nuk lajmë dot kurrë borxhin ndaj tyre për Shqipërinë e pavarur, të çliruar nga komunizmi dhe në NATO, për çlirimin dhe pavarësinë e Kosovës dhe për të drejtat e shqiptarëve në RMV e kudo.

4 Nëntor 2022, 07:22 Nga A.B
Mesazh në mesnatë/ Basha i përgjigjet Ramës: SHBA nuk na ka
Lulzim Basha

TIRANË- Ish-kryetari i Partisë Demokratike, Lulzim Basha iu është përgjigjur deklaratës së kryeministrit Edi Rama se SHBA i ka një borxh Shqipërisë. Sipas Bashës, aleatët tanë strategjikë nuk kanë asnjë borxh nga ndesh, por sipas tij ne nuk lajmë dot kurrë borxhin ndaj tyre për Shqipërinë e pavarur, të çliruar nga komunizmi dhe në NATO, për çlirimin dhe pavarësinë e Kosovës dhe për të drejtat e shqiptarëve në RMV e kudo. Basha shton se sot Shqipëria ende nuk ka plotësuar standardet të partneritetit dhe aleancës strategjike mes SHBA-së, siç janë shteti i së drejtës, media e lirë, konkurrenca e ndershme dhe lufta kundër korrupsionit dhe krimit të organizuar.

“Aleatët tanë strategjikë SHBA nuk kanë asnjë borxh ndaj nesh, ndërsa ne nuk lajmë dot kurrë borxhin ndaj tyre për Shqipërinë e pavarur, të çliruar nga komunizmi dhe në NATO, për çlirimin dhe pavarësinë e Kosovës dhe për të drejtat e shqiptarëve në RMV e kudo. Shteti i së drejtës me barazi para ligjit për të gjithë, demokracia funksionale dhe media e lirë, konkurrenca e ndershme dhe liria e tregut, lufta kundër korrupsionit dhe krimit të organizuar janë standardet ende të paplotësuara të partneritetit dhe aleancës strategjike mes Shqipërisë, SHBA-së dhe BE-së” – shkroi Basha në Twitter.

Mbrëmjen e djeshme, kryeministri Edi Rama tha në emisionin ‘Real Story’ në Report Tv, se aleatët tanë SHBA-të kanë një borxh për të larë për Shqipërinë, duke folur për strehimin e muxhahedinëve.

'Sot është e qartë se ne kemi bërë tonën, ata kanë mbrojtur veten, ndërsa aleatët tanë kanë një borxh për të larë me ne. Sepse duhet ta themi këtë gjë, ta themi troç, ka një borxh për të larë me ne. Do shohim, do u vijë koha e do shohim se si do e lajnë këtë borxh,"- tha Rama. 

lulzim basha

Sondazh

Poll

MË SHUMË