Politike

Garon në Primaret e PD për Tiranën, Alimehmeti tregon 'kurën' që mund të përmirësoi situatën dhe 'shënjestron' Veliajn: Kishte 8 vite kohë

Ai u shpreh se ndërtimet pa kriter kanë dëmtuar Tiranën historike dhe për këtë iu referuar kullës që po ndërtohet përbri kullës së Sahatit dhe shembjes së Tetarit Kombëtar. Alimehmeti "shënjetstroi" kryebashkiakun Veliaj për të cilin tha se ka pasur mjaftueshëm kohë 8 vite për të bërë ndryshimin por që sipas tij në vend të kësaj Tirana është lënë pas dore. 

3 Nëntor 2022, 20:39 Nga e.k
Garon në Primaret e PD për Tiranën, Alimehmeti tregon
Ilir Alimehmeti

TIRANË- Mjeku Ilir Alimehmeti, i cili është dhe kandidati për primaret e Partisë Demokratike që synon të jetë dhe kandidati i opozitës në zgjedhjet vendore përballë Erion Veliajt tregoi "kurën" që i duhet Tiranës për të përmirësuar jetën e qytetarëve. I ftuar në "Frontline" Alimehmeti tha Tirana sot vuan nga pandershmëria, babëzia dhe paaftësia dhe se ai do bëjë gjithçka për ta ndryshuar këtë.

Ai u shpreh se ndërtimet pa kriter kanë dëmtuar Tiranën historike dhe për këtë iu referuar kullës që po ndërtohet përbri kullës së Sahatit dhe shembjes së Tetarit Kombëtar. Alimehmeti "shënjetstroi" kryebashkiakun Veliaj për të cilin tha se ka pasur mjaftueshëm kohë 8 vite për të bërë ndryshimin por që sipas tij në vend të kësaj Tirana është lënë pas dore. 

"E para do shkosh me njerëz, por me një ekip, që kanë vlera dhe përgjegjësi. Disa gjëra duan kohën e vet, nuk arrihen menjëherë. Veliaj ka pasur kohë mjaftueshëm sa për të zhdukur çdo park e hapësirë që kishim. Ju i shikoni se ku jepen lejet e ndërtimit. Po shkatërrojmë dhe Tiranën Historike, mbuluam kullën e Sahatit, shkatërruam edhe Teatrin. Ne nuk po kuptojmë, apo nuk duam të kuptojmë që situatën ne e kemi në një krizë absurde. Tiranën e ka sëmurë pandershmëria, paaftësia dhe babëzia, dhe ka çuar në një situatë të tillë, të këtij densiteti kaq të lartë.  Makthi që ne heqim përditë për të dalë me makinë nga rrugica, se nuk del dot, nuk e ka menduar kush këtë?! Një urbanist nuk e ka menduar? Jo, kjo thjeshtë është lënë pas dore qëllimisht, ka hapësira boll ku mund të përmirësohen situata, ka situata që mund të përmirësohen që ditët e para, disa duan kohë më tepër, por për kryetarin që kemi aktualisht, 8 vite i ka pasur, kohë që mjafton", tha ai.

Partia Demokratike dhe Partia e Lirisë shkojnë bashkë në zgjedhjet vendore të 14 majit 2023. Marrëveshja e kthyer në një "kontratë" bashkëpunimi elektoral mes dy partive u firmos nga dy kryetarët Sali Berisha dhe Ilir Meta. Belind Këlliçi, Gert Bogdani dhe Ilir Alimehmeti janë tre kandidaturat e para nga Partia Demokratike që kanë finalizuar kandidimin për primaret. Deri më tani janë lakuar edhe emra të tjerë për Tiranën si aktori Julian Deda që është njëkohësisht anëtari i Këshillit Kombëtar të Partisë Demokratike.

primaret ne pd ilir alimehmeti

Sondazh

Poll