Politike

"Po bashkohen kundër qeverisë", Rama: Korçën në media e keni parë vetëm kur fermerët ankohen

Po ashtu Rama ka theksuar se një tjetër problematikë sot është edhe bashkimi i forcave dhe elementeve kundër qeverisë, për të cilat nënkuptoi mediat. 

1 Nëntor 2022, 18:10 Nga I.A
"Po bashkohen kundër qeverisë",
Edi Rama

KORÇË- Kryeministri Edi Rama ka deklaruar se Korça në mediat dhe portalet shqiptare ka dalë vetëm kur fermerët hidhnin mollët në rrugë. Gjatë fjalës së tij nga Korça, Rama ka sulmuar mediat duke thënë se ky është realiteti i hidhur mediatik në Shqipëri. Po ashtu Rama ka theksuar se një tjetër problematikë sot është edhe bashkimi i forcave dhe elementeve kundër qeverisë, me të cilat nënkuptoi mediat.   

"Më thoni sa herë e keni parë në ekranet kombëtare dhe në portale Korçën dhe për çfarë e keni parë. Unë di që ato herë që kam parë Korçën në ekranet kombëtarë dhe portalet ka qenë vetëm për rastet kur disa fermerë kanë dalë për të hedhur mollët dhe që shteti i ka braktisur. Ky është realiteti mediatik në Shqipëri. Problematikë sot është bashkimi i forcave dhe elementeve kundër qeverisë. Sot është e ditur që jemi në një luftë sepse jemi në një hapësirë gjeografike, sepse jemi rreshtuar në një anë të botës që po ndodh kjo luftë. Lufta e nisur nga Putin në Ukrainë, nuk është një luftë që lidhet me Ukrainën, qëllimi është gjunjëzimi i perëndimit," tha Rama.

edi rama

Sondazh

Poll