Politike

Meta: Fëmijët e mi do kthehen në Shqipëri, studimet jashtë vendit ua kemi paguar me lekët që na jep pallati

Kreu i PL-së u shpreh se fëmijët e tij do të kthehen në Shqipëri pasi lidhjen me atdheun e kanë shumë të fortë.

31 Tetor 2022, 18:09 Nga F.M
Meta: Fëmijët e mi do kthehen në Shqipëri, studimet
Ilir Meta

TIRANË- Kreu i Partisë së Lirisë Ilir Meta ka komentuar edhe njëherë të ardhurat e familjes së tij që përballon edhe shpenzimet e fëmijëve që studiojnë jashtë vendit. I ftuar në "Zona Zero", Meta tha se shpenzimet i përballojnë pasi kanë një pallat përmes të cilit nxjerrin ende të ardhura. Kreu i PL-së u shpreh se fëmijët e tij do të kthehen në Shqipëri pasi lidhjen me atdheun e kanë shumë të fortë.

“Fëmijët e mi do të kthehen në Shqipëri dhe kjo është e padiskutushme dhe kanë një lidhje shumë të fortë me vendin. Unë jam i bindur që vendi do të ndryshojë tërësisht. Mesazhi ynë, i PL është që Shqipëria iu përket të rinjëve. Kështu që kjo është histori e përfunduar dhe misioni im kryesor. Vajza e madhe është kthyer dhe ka përfunduar studimet e shkëlqyera për matematike dhe financë edhe dy fëmijët e tjerë vijojnë studimet. Nëse qytetarët pyesin se si ja bën Meta dhe Monika për shpenzimet, ata duhet ta dinë se ne kemi një pallat brenda rregullave dhe normave me firmën e Edi Ramës, me të cilin përballojmë shpenzimet e fëmijevë. Jo se edukimi në Shqipëri është i keq por për t’ju dhënë një pavarësi më të madhe atyre,”- tha Meta.

ilir meta monika kryemadhi

Sondazh

Poll

MË SHUMË