Bota

U godit me çekiç, burri i Pelosit pësoi traumë në kokë dhe lëndime të rënda në trup

Sulmi ndodhi pasi një sulmues hyri në shtëpinë e Pelosit në bllokun 2600 të Broadway Street në San Francisko.

28 Tetor 2022, 17:01 Nga d.a.
U godit me çekiç, burri i Pelosit pësoi traumë në
Paul Pelosi

SHBA- Paul Pelosi, bashkëshorti i kryetares Nancy Pelosi, u sulmua dhunshëm në shtëpinë e tyre në San Francisko herët në mëngjes të së premtes.

Sipas mediave vendase, sulmi ndodhi pasi një burrë hyri në shtëpinë e Pelosit në bllokun 2600 të Broadway Street në San Francisko dhe sulmoi burrin e saj me çekiç.

82-vjeçari Pelosi pësoi një traumë të fortë në kokë dhe trup dhe po trajtohet për mavijosje, ënjtje të rënda dhe lëndime të tjera.

Paul Pelosi u shtrua në spital dhe pritet të shërohet plotësisht dhe sulmuesi ndodhet në paraburgim nga policia ndërkohë që ende nuk është i ditur motivi i sulmit.

Oficerët e policisë së San Franciskos iu përgjigjën rezidencës Pelosi rreth orës 2:27 të mëngjesit, sipas një zëdhënësi, ndërkohë që shefi i policisë së San Franciskos, Bill Scott do të japë më shumë detaje në një konferencë për shtyp.

paul pelosi nancy pelosi bill scott

Sondazh

Poll