Aktualitet

Pedagogët bojkotojnë mësimin, paralajmërimi: Do përdorim variantin e fundit, futemi në grevë

Pedagogët po mendojnë çdo variant të mundshëm proteste, në mënyrë që Qeveria t'i dëgjojë dhe plotësojë kërkesat e tyre.

28 Tetor 2022, 10:49 Nga A.B
Pedagogët bojkotojnë mësimin, paralajmërimi: Do
Sander Kovaci

TIRANË- Pedagogët kanë paralajmëruar se do të futen në grevë. Kjo deklaratë u bë e ditur nga kreu i sindikatës së pedagogëve, Sandër Kovaçi, i cili foli për mediat gjatë bojkotit që po vijon edhe ditën e sotme. Ai u shpreh se deri më tani nuk ka pasur asnjë reagim nga qeveria dhe ministria, ndaj janë duke menduar fazën e fundit, atë të grevës. 

'Duke qenë në këto kushte kur nuk ka pasur reagim deri tani, erdhëm në fazën e një bojkoti të deritanishëm, dhe tani i kemi dërguar kërkesë qeverisë, dhe të krijojë urën e komunikimit. Nuk duam të përdorim variantin e fundit, atë të grevës, por mund të përdoret për të ushtruar presionin e duhur mbi autoritetet për të reaguar në mënyrë konstruktive dhe ta kuptojnë rëndësinë e këtij bojkoti.'- u shpreh Kovaçi, i cili bëri të ditur se ditën e hënë në orën 11:00, do të zhvillohet një protestë kombëtare.

Sindikata e Pedagogëve dhe Sindikata e Punonjësve të Universiteteve prej dy javësh kanë bojkotuar mësimin në shenjë proteste për moszgjidhjen e kërkesave të tyre drejtuar ministrisë së Arsimit dhe qeverisë. Më 16 tetor nisi bojkoti. Pedagogët kërkojnë nga ministria e Arsimit dhe qeveria rritjen me 30% të pagave këtë vit dhe 20% vitin që vjen ndërkohë që kërkojnë më shumë financime sa i përket kërkimeve shkencore. Kryeministri i është përgjigjur protestës së tyre dhe ka ofruar zgjidhjen e tij duke ofruar rritjen me 15% të pagave ku 8 % do mbulohej nga shteti dhe 7% nga universitetet. Kjo u refuzua nga ata. Ndërkohë ditën e djeshme u bë e ditur se është arritur një marrëveshje me ministrinë në lidhje me disa nga kërkesat e tyre por që mbetet ende e hapur dera e dialogut për rritjen e pagave që është dhe një kush nga i cili pedogogët nuk heqin dorë.

protesta e pedagogeve

Sondazh

Poll

MË SHUMË