Politike

Rama 137 fluturime me "CHARTER", Berisha: Super abuzim! Po shpenzon miliona euro, krim publik, shqiptarë çohuni!

Sali Berisha kërkon nga shqiptarët që të reagojnë, duke e cilësuar si krim publik shpenzimin e Ramës për udhëtimet e tij.

27 Tetor 2022, 19:02 Nga k.m.
Rama 137 fluturime me "CHARTER", Berisha: Super abuzim! Po shpenzon
Foto ilustruese

TIRANË- Kryedemokrati Sali Berisha ka ngritur një pikëpyetje lidhur me udhërimet e kryeministrit Edi Rama me charterin e tij jashtë vendit, ku llogaritet se ka kryer më qindra të tilla. Pas publikimit të të dhënave nga "HomeLand Justice", Berisha kërkon nga shqiptarët që të reagojnë, duke e cilësuar si krim publik shpenzimin e Ramës për udhëtimet e tij. Po ashtu, ka kërkuar edhe protestë për këtë çështje, ndërsa nga ana e numrit një të qeverisë nuk ka asnjë reagim. 

"Super abuzim! 19 milionë euro kushtuan 127 udhëtimet me avion taksi të Edi Ramës! Të dashur miq, neobllokmeni Edi Rama ka krye si kryeministër 127 udhëtime me Charter apo avion taksi për menderen e tij. Çdo udhëtim me Charter kushton mesatarisht apo më së paku 150 mijë euro kurse ato të largëtat kushtojnë me gjithë parkingun rreth 250 mijë euro. Por të llogaritura me çmimin 150 mijë euro fluturimi, Edi Rama ka shpenzuar vetëm avion taksi 19050000 Euro. Pra kryeministri i vendit më të varfër të Europës shpenzon për udhëtime me avion në dispozicion dhjetëra e dhjetëra herë më shumë se sa kryeministri i Austrisë, një vend dhjetëra herë më i pasur se Shqipëria. Ky është një krim publik tejet i rëndë, është banditizëm qeveritar i përmasave gjigante. Në këmbë shqiptarë ta kërrejmë sa më parë! Këtu më poshtë keni datat dhe destinacionet e të gjitha udhëtimeve me Charter të Edi Ramës nga shtatori i vitit 2013 gjer sot!,"-shkruan Sali Berisha.

Sot kanë dalë të gjitha të dhënat që janë marrë nga sistemi TIMS ku janë shënuar hyrjet dhe daljet e kryeministrit. Tani mbizotërojnë fluturimet me "CHARTER - 0000" me kategorinë -DIPLOMATIKE. Gjithsej, numërohet jo pak, por 137 fluturime me charter. 

sali berisha fluturimet e rames me charter

Sondazh

Poll

MË SHUMË