Politike

STRATEGJIA/ Meta: Nëse fitojmë shumicën, kreu i Këshillit Bashkiak do jetë nga PL

Ai tha se në momentin që fitohet shumica në një Këshill Bashkiak, sigurisht që kreun do ta zgjedhë Partia e lirisë. 

26 Tetor 2022, 12:28 Nga F.M
STRATEGJIA/ Meta: Nëse fitojmë shumicën, kreu i Këshillit
Ilir Meta

TIRANË- Kreu i Partisë së Lirisë Ilir Meta ka zbërthyer strategjinë e ndarjes së kandidatëve në zgjedhjet lokale 2023. Në një konferencë me gazetarët, i pyetur në lidhje me ndarjen e Këshilltarëve Bashkiakë, Meta mori një shembull për ta ilustruar. Ai tha se në momentin që fitohet shumica në një Këshill Bashkiak, sigurisht që kreun do ta zgjedhë Partia e lirisë. 

"Nëse fitojmë shumicën në Këshillin Bashkiak do të kërkojmë që kreu i Këshillit të jetë nga Partia e Lirisë,"- tha Meta ndër të tjera. 

Konferenca e Metës erdhi pasi zhvilloi një takim me kryedemokratin Sali Berisha në selinë blu. Meta shkoi mëngjesin e sotëm në zyrën e kryedemokratit Sali Berisha dhe pas bisedimeve me të, bëri me dije për gazetarët se PL-ja ka hedhur emrin e parë mbi tavolinë në kuadër të bashkëpunimit opozitar për zgjedhjet lokale 2023. Meta tha se ka propozuar një emër, të cilin nuk preferoi ta bënte publik, por me siguri të plotë, tha se bëhet fjalë për një supër politikan. Nga ana tjetër, nesër firmoset marrëveshja e shkruar mes Partisë Demokratike dhe Partisë së Lirisë. Në takim u nda dhe data për protestën kombëtare që do të jetë 12 nëntori.

ilir meta pakti pd-pl

Sondazh

Poll

MË SHUMË