Bota

Vrau gruan e tij dhe tentoi të arratisej, Mecje ka rrëfyer krimin në polici, viktima e kishte denoncuar më parë për dhunë

Pas provave të grumbulluara të krimit dhe deklaratave të tij, urdhri i arrestit u krye nga ekipi i Komisariatit të Policisë së Bolzanos. Në orët në vijim do të kryhet autopsia me urdhër të prokurorit. 

25 Tetor 2022, 11:30 Nga d.a.
Vrau gruan e tij dhe tentoi të arratisej, Mecje ka rrëfyer krimin
Mocanu dhe Mecje

ITALI- Avni Mecje, shqiptari që vrau bashkëshorten e tij rumune Alexandra Elena Mocanu, pas dorëzimit në komisariat gjatë mbërëmjes, thuhet se ka rrëfyer krimin dhe tani ndodhet në burgun e Bolzanos.

Sipas RAI, 42-vjeçari, pas provave të grumbulluara të krimit dhe deklaratave të tij, urdhri i arrestit u krye nga ekipi i Komisariatit të Policisë së Bolzanos. Në orët në vijim do të kryhet autopsia me urdhër të prokurorit. 

Sherret dhe konfliktet mes Avniut dhe Aleksandrës nuk ishin asgjë e re pasi në vitin 2019 dhe 2020, kur ata jetonin ende në Verona, gruaja kishte denoncuar burrin e saj për keqtrajtim. Për këtë arsye, Mecje u detyrua të qëndronte me prindërit e tij për një periudhë, por më pas pati një afrim të ri dhe ai iu bashkua asaj në Bolzano, ku gruaja ishte shpërngulur ndërkohë. Aleksandra lë pas një djalë, të lindur nga një lidhje tjetër, i cili jeton me gjyshen në Rumani.

Mecje, ka dalë rreth orës 3 të natës së sotme nga zyrat e Prokurorisë Publike në Tribunalin Piazza (ai mbante syze dielli dhe kapelë të zezë) pas një marrje të gjatë në pyetje. Dyshohet se ai mund të ketë vrarë partneren e tij mbrëmjen e së shtunës pas një sherri të ri me gruan që ishte kthyer në shtëpi rreth orës 20, pas turnit në Top Bar në qendrën tregtare Centrum në kryeqytetin e Tirolit Jugor. Trupi i pajetë i gruas u gjet pasditen e së dielës nga Brigada e Zjarrfikësve dhe nga agjentët e Skuadrës Lëvizëse të Komisariatit të Policisë së Bolzanos. Ora tregohej në disa dëshmi të fqinjëve që kishin dëgjuar bisedën mes të dyve. 

Gjatë natës, pasi kishte vrarë partneren e tij, burri kishte organizuar arratisjen për në Shqipëri. Të dielën në mëngjes nisja nga Bolzano me makinën e Alexandra Elenës, një Ford Focus, për në aeroportin e Trevisos nga ku do të duhej të hipte në një fluturim për në Shqipëri. Në vendin e origjinës, megjithatë, Mecje nuk shkoi dhe më pas vendosi të dorëzohej tek autoritetet italiane.

Avni Mecje vrau bashkëshorten e tij rumune, Alexandra Elena Mocanu të shtunën, por krimi u zbulua vetëm të dielën, kur shqiptari telefonoi familjarët e tij dhe i lajmëroi se do të kthehej në Shqipëri pasi kishte vrarë të shoqen. Kjo telefonatë vuri në lëvizje autoritetet që shkuan në banesën e çiftit dhe gjetën trupin e 35-vjeçares së mbështjellë me batanije. Fqinjët rrëfyen për autoritetet se dyshja ziheshin shumë pasi shqiptar ishte xheloz. Ndërkohë gjatë pasdites Mecje është vetëdorëzuar në polici.

avni mecje alexandra elena mocanu

Sondazh

Poll

MË SHUMË