Aktualitet

VD-EMRI/ I dënuar me 6 vjet e 10 muaj burg për trafik droge e grup kriminal, arrestohet 40-vjeçari në Tiranë, pritet të ekstradohet drejt Italisë

40-vjeçari ishte shpallur në kërkim ndërkombëtar dhe pas arrestimit, pritet të ekstradohet drejt Italisë. 

25 Tetor 2022, 08:47 Nga F.M
VD-EMRI/ I dënuar me 6 vjet e 10 muaj burg për trafik droge e grup
Arrestimi i Armant Beqirit

TIRANË- Armant Beqiri, 40 vjeç, i dënuar me 6 vjet e 10 muaj burgim nga Gjykata e Torinos është vënë në pranga në Tiranë. Në njoftimin zyrtar të policisë së Tiranës, bëhet me dije se Beqiri është shpallur fajtor për veprat penale “Pjesëmarrja në organizatë kriminale” dhe “Trafikimi i lëndëve narkotike". 40-vjeçari ishte shpallur në kërkim ndërkombëtar dhe pas arrestimit, pritet të ekstradohet drejt Italisë. 

Njoftimi i policisë Tiranë

Finalizohet nga Seksioni i Kërkimit në DVP Tiranë, në bashkëpunim me Interpol Tirana, operacioni policor i koduar "Torino". Kapet dhe vihet në pranga, me qëllim ekstradimi, 1 shtetas i shpallur në kërkim ndërkombëtar për pjesëmarrje në organizatë kriminale dhe trafikim të lëndëve narkotike. Shërbimet e Seksionit të Kërkimit, në vijim të punës për kapjen e personave të shpallur në kërkim ndërkombëtar, në bashkëpunim me Interpol Tirana, në bazë të informacioneve të siguruara në rrugë policore, kanë organizuar dhe finalizuar operacionin policor të koduar “Torino”, si rezultat i të cilit u bë kapja dhe arrestimi provizor, me qëllim ekstradimin drejt Italisë, i shtetasit: Armant Beqiri, 40 vjeç, banues në Tiranë. Ky shtetas ishte shpallur në kërkim ndërkombëtar, pasi Gjykata e Torinos, Itali, e ka dënuar me 6 vjet e 10 muaj burgim, për veprat penale “Pjesëmarrja në organizatë kriminale” dhe “Trafikimi i lëndëve narkotike", parashikuar nga Kodi Penal i Italisë. Interpol Tirana, në bashkëpunim me Interpol Roma, vijon procedurat për ekstradimin e këtij shtetasi drejt Italisë.

 

armant beqiri

Sondazh

Poll

MË SHUMË