Aktualitet

Greva e personelit të trafikut ajror në Itali, TIA: Fluturimet me aeroportet italiane do vijojnë normalisht nga ora 15:00

Sot nga aeroporti i Tiranës nuk do të ketë fluturime në aeroportet e Barit, Bolonjës, Ankonës, Bergamos, Veronës, Milanos, Genovas, Riminit dhe Romës.

21 Tetor 2022, 12:44 Nga k.m.
Greva e personelit të trafikut ajror në Itali, TIA: Fluturimet me
Foto ilustruese

TIRANË- Aeroporti i Tiranës njofton të gjithë pasagjerët se për shkak të një greve të personelit të trafikut ajror në Itali do të anulohen të gjitha fluturimet e parashikuara për sot. Sot nga aeroporti i Tiranës nuk do të ketë fluturime në aeroportet e Barit, Bolonjës, Ankonës, Bergamos, Veronës, Milanos, Genovas, Riminit dhe Romës.

Më pas, aeroporti ndërkombëtar i Nënë Terezës doli me një tjetër njoftim duke lajmëruar se fluturimet do të vazhdojnë normalisht duke filluar nga ora 15:00 e ditës së sotme.

"TIA njofton se fluturimet nga aeroportet Italiane dhe drejt tyre do të vazhdojnë normalisht duke filluar nga ora 15:00 e ditës së sotme. Ju lutemi pasagjerëve që kanë fluturim sot drejt destinacioneve të Italisë të komunikojnë paraprakisht me kompanitë ajrore respektive për të verifikuar statusin e fluturimit të tyre para se të nisen për në aeroport", njofton TIA.

Megjithatë, TIA iu kërkon pasagjerëve që kanë fluturime të parashikuara për ditën e sotme që të kontaktojnë me kompanitë respektive për të verifikuar statusin e fluturimit të tyre.

aeroporti i tiranes tia

Sondazh

Poll