Aktualitet

1.2 mln € false nga Franca në Rinas/ Gjykata dënon me 6 vite burg 2 kamerunasit, liron gruan nga Zvicra

Ata do të vuajnë nga 6 vite për shkak të gjykimit të shkurtuar ndërkohë që është shpallur e pafajshme zvicerania Jeniffer Chollet, që akuzohet si bashkëpunëtore e tyre.

21 Tetor 2022, 12:20 Nga A.B
1.2 mln € false nga Franca në Rinas/ Gjykata dënon me 6 vite burg
Josoue Ngankam

TIRANË- Gjykata e Tiranës ka dënuar me nga 9 vite burg Josoue Ngankam dhe Zinedine Nkeh nga Kameruni pasi janë gjetur fajtor për falsifikim monedhash dhe mashtrim. Ata do të vuajnë nga 6 vite për shkak të gjykimit të shkurtuar ndërkohë që është shpallur e pafajshme zvicerania Jeniffer Chollet, që akuzohet si bashkëpunëtore e tyre.

53-vjeçarit nga Kameruni Josoua Ngankam, iu gjetën 1.2 milionë euro false në Rinas. Zinedine Nkeh, 45 vjeç, rezulton të ishte Toni, personi që Ngankam kishte deklaruar më herët se ishte shqiptari që i kishte dhënë çantën ku u gjetën paratë në Tiranë.

Nkeh, ishte autor kryesor në sjelljen e parave false, i kishte dhënë një adresë të një hoteli më Laprakë ku do të takoheshin për të marrë çantën. Zinedine Nkeh kishte mbërritur në Shqipëri disa ditë para Ngangam me një linjë tranziti. Gjatë kontrollit në banesën e Chollet, 39-vjeçare, u gjetën dhe sekuestruan në cilësinë e provës materiale, lastra dhe produkte të tjera që shërbejnë për përgatitjen e kartëmonedhave të falsifikuara.

josoue ngankam zinedine nkeh

Sondazh

Poll