Sport

Inaugurohet fusha e re e stadiumit të Orikumit, presidenti i FSHF-së, Duka: “U bë një investim i rëndësishëm për futbollin”…

“Uniforma Ime” është një mbështetje e madhe për familjet shqiptare në aspektin ekonomik, por më shumë është një mesazh bashkëpunim i FSHF-së me të gjithë prindërit që të sjellin sa më shumë fëmijë në futboll”

18 Tetor 2022, 18:55 Nga DOSJA

Inaugurohet fusha e re e stadiumit të Orikumit, presidenti i FSHF-së,

VLORE - Për qytetin e Orikumit sot ka qenë një ditë e veçantë feste, teksa skuadra e KF Orikut nga sot e tutje do të ketë rikthehet të luajë në stadiumin e vet, që tashmë ka një fushë të re dhe moderne, falë investimit të rëndësishëm të Federatës Shqiptare të Futbollit në bashkëpunim me Bashkinë e Vlorës. Një ndërhyrje që i ka ndryshuar totalisht imazhin stadiumit të Orikumit dhe që ofron kushte shumë të mira për këtë skuadër, por edhe për ekipet e moshave dhe fëmijët e angazhuar në futboll.

Në ceremoninë e inaugurimit të fushës të zhvilluar sot morën pjesën presidenti i FSHF-së, Armad Duka, kryetari i Bashkisë së Vlorës, Dritan Leli, presidenti i FK Orikut, Muharrem Lazaj, kryetari i Njësisë Administrative të Orikum, Selim Haskoçelaj, si dhe shumë fëmijë futbollistë dhe prindër.

Përveç inaugurimit të fushës së re, gjatë këtij aktiviteti u shpërndanë edhe baza materiale për ekipet e moshave të kësaj njësie administrative në kuadër të projektit madhor të FSHF-së “Uniforma Ime”, që po jep një impakt shumë të madh në zhvillimin e futbollit të moshave.

Presidenti i FSHF-së, Armand Duka, në fjalën e mbajtur në këtë ceremoni vlerësoi bashkëpunimin me Bashkinë e Vlorës dhe i cilësoi jetike për futbollin investimet në infrastrukturë, ashtu siç është edhe projekti “Uniforma Ime”.

Inaugurohet fusha e re e stadiumit të Orikumit, presidenti i FSHF-së,

“Sot jemi në këtë ceremoni për të inauguruar këtë fushë të re me një bashkëpunim shumë të mirë të FSHF-së me Bashkinë e Vlorës. Dua ta falënderoj kryetari i Bashkisë, Dritan Leli, sepse në këtë bashkëpunim ka qenë shumë i gatshëm, mbështetës dhe bashkëpunues për ta bërë realitet këtë investim të rëndësishëm për futbollin. Pa dyshim që komponentët kryesorë të lojës së futbollit janë infrastruktura, trajnerët dhe stafet teknike, si edhe baza materiale. Pikërisht ne jemi sot këtu për dy nga këto komponentë, pasi unë mendoj se ne i kemi trajnerët apo mësuesit e mirë, të përgatitur nga shkolla e FSHF-së me licenca europiane, të cilët mund të trajnojnë jo vetëm në Shqipëri, por kudo nëpër botë me të njëjtën licencë. Por ato që ne nuk kishim, ishin uniformat. Në fakt është një mbështetje e madhe për familjet shqiptare në aspektin ekonomik, por më shumë është një mesazh bashkëpunim i FSHF-së me ju, me familjet shqiptare dhe me të gjithë prindërit që të sjellin sa më shumë fëmijë në futboll”,- tha presidenti Duka, duke renditur edhe projektet e tjera të FSHF-së dhe duke kërkuar mbështetjen e qeverisë dhe pushtetit lokal për ndërtimin e fushave të reja.

Inaugurohet fusha e re e stadiumit të Orikumit, presidenti i FSHF-së,

Ndërsa, kryetari i Bashkisë së Vlorës, Dritan Leli falënderoi mbështetjen financiare të FSHF-së dhe të presidentit Duka për të realizuar këtë fushë moderne, që do të sjellë një zhvillim më të madh të futbollit në këtë zonë dhe një kurorëzim i përpjekjeve të gjata për të pasur një fushë dinjitoze.

Sakaq, FSHF do të vazhdojë njëkohësisht me projektin “Uniforma Ime” edhe me projektin tjetër madhor të 100 fushave për të shtuar inventarin e terreneve të futbollit në të gjithë Shqipërinë.

B.T (Dosja.al)  

Sondazh

Poll

MË SHUMË