Sport

Interi kërkon blerës në Wall Strit: Steven Zhang pretendon për 1.2 miliardë euro…

Një fond amerikan është në ‘pole-position’ për të blerë zikaltrit

18 Tetor 2022, 17:05 Nga DOSJA

Interi kërkon blerës në Wall Strit: Steven Zhang pretendon

ITALI - Nuk është më lajm që Interi është në shitje dhe as që Steven Zhang kërkon 1.2 miliardë euro. Zhvillimet, megjithatë, vijnë nga Amerika: ‘Goldman Sach’ dhe ‘Raine Group’ kanë marrë një mandat për të kërkuar blerës në Wall Street. 

Lajmi rinis nga Financial Times, i cili konfirmohet edhe në Milano. Ende nuk ka nisur një negocim i vërtetë, por ka zëra për dy fonde amerikane dhe një nga Emiratet e Bashkuara Arabe në garë. Emrat janë ende shumë sekret, por investitorët e huaj do të kishin avantazhin. 

Çmimi fillestar që ka vendosur Steven Zhang është i lartë, shumë i lartë, ndoshta jashtë tregut. Kjo mund të jetë një lëvizje për të mos hequr dorë plotësisht nga Interi. Zhang ka nevojë për para, kjo është e sigurt, por ai nuk do të donte të privonte veten nga klubi zikaltër dhe për këtë arsye do të shqyrtonte mundësinë e gjetjes së një partneri minoritar. 

Aktualisht buxheti i klubit është në të kuqe për 140 milionë euro dhe ‘Suning’ nuk do të mund t'i përballojë këto shpenzime për shumë kohë.

B.T (Dosja.al)

Sondazh

Poll