Toger Samoilenko, i cili është 28 vjeç, humbi syrin e djathtë dhe krahun e majtë pasi municioni i shpërtheu në dorë ndërsa ishte në një mision ushtarak ukrainas kundër separatistëve të mbështetur nga Rusia në rajonin lindor të Donbasit, në vitin 2018.
KIEV- Luftëtarët ukrainas, të cilët u dorëzuan pas javësh të rrethuar në fabrikën e çelikut Azovstal në qytetin port të Mariupolit, u mbajtën në kushte çnjerëzore nga Rusia. Kështu pretendon një luftëtar i liruar për BBC. Illia Samoilenko tha për BBC se ai ishte mbajtur në Rusi në izolim për 120 ditë dhe kishte frikë se nuk do të kthehej më në Ukrainë.
Luftëtari i Regjimentit Azov u lirua në një shkëmbim të burgosurish muajin e kaluar. Toger Samoilenko, i cili është 28 vjeç, humbi syrin e djathtë dhe krahun e majtë pasi municioni i shpërtheu në dorë ndërsa ishte në një mision ushtarak ukrainas kundër separatistëve të mbështetur nga Rusia në rajonin lindor të Donbasit, në vitin 2018.
Gjëja e parë që bleu kur u kthye në Ukrainë ishte një paketë cigare, "për t'u ndjerë i gjallë".
“Jam i lumtur të shoh njerëzit që më kanë pritur, lotët e gëzimit në fytyrat e tyre dhe buzëqeshjet e tyre”.
Në intervistën e parë nga një luftëtar i Azov, ai pretendoi se disa nga bashkëluftëtarët e tij të mbajtur veçmas ishin torturuar dhe iu mohua trajtimi mjekësor dhe ushqimi. Rusia mohon torturimin ose keqtrajtimin e të burgosurve të luftës, megjithëse zyrtarët ukrainas thonë se luftëtarët kanë pësuar abuzime në robërinë ruse.
Samoilenko ishte në mesin e qindra trupave që u rrethuan nga ushtria ruse në tunelet dhe bunkerët nëntokësorë të fabrikës së madhe të çelikut Azovstal, nën bombardime të pamëshirshme. Ata refuzuan të dorëzoheshin derisa erdhi një urdhër nga komandantët e lartë ushtarakë të Ukrainës, i cili i dha fund betejës për qytetin port të Mariupolit, lufta më vdekjeprurëse dhe më shkatërruese deri tani.
Luftëtarët u larguan nga qyteti duke mbajtur pak sende personale, dukeshin të rraskapitur dhe me plagë të dukshme. Disa ecnin me paterica. Ata u dërguan me autobusë në territorin e kontrolluar nga Rusia. Ditë më vonë, ai dhe të tjerët, kryesisht udhëheqës të Azov, u transferuan në një vend ende të pazbuluar në Rusi. Ai thotë se ishte mbajtur vetëm në një qeli, kujton ai, ku bënte shtytje dhe ulje-ngritje dhe mbante gjurmët e kohës duke numëruar mendërisht ditët.
"Ata nuk u interesuan për Konventat e Gjenevës. Ata nuk u kujdesen për jetën e njerëzve. Nuk ndaj dot më shumë detaje. Këto intervista po i shikojnë edhe rusët. Kur shohin fytyrat tona të lumtura, bëhen më të çmendur”.
Ditë përpara dorëzimit të Azovstal në maj, Samoilenko drejtoi një konferencë shtypi që u transmetua drejtpërdrejt nga një bunker poshtë punimeve të çelikut. Për gati dy orë, ai përshkroi kushtet e dëshpëruara për luftëtarët e plagosur dhe tha se ai dhe të gjithë të tjerët e shihnin veten si "njerëz të vdekur".
Foto ilustruese GREQI- Të tjera detaje kanë dalë nga ngjarja e rëndë e ndodhur në Greqi, ku një vajzë 19-vjeç...
Eugenia Sifaki Kyrilova GREQI- Dy persona kanë humbur jetën tragjikisht ditën e djeshme nga ujërat e vrullshme që “përm...
Autobusi në Kolumbi KOLUMBI- Të paktën 20 persona u vranë dhe të paktën 14 u plagosën pasi një auto...
Yuriy Kerpatenko RUSI- Ushtarët rusë kanë qëlluar për vdekje një muzikant ukrainas në banesën e tij pasi ai refuzo...
Foto ilustruese Pas aneksimit të paligjshëm të katër rajoneve të Ukrainës - Donjeck, Luhansk, Herson dhe Zaporizhja - preside...
Kinë KINË- Edhe çaji në kongresin e Partisë Komuniste Kineze nuk mund të shërbehet pa rregull dhe protokoll. ...
Volodymyr Zelenskyy dhe Emmanuel Macron Franca ka njoftuar se do të furnizojë Ukrainën me sisteme të mbrojtjes ajrore dhe do të zg...
Matteo Salvini, Silvio Berlusconi dhe Giorgia Meloni ITALI- Po punohet edhe të dielën në qendrën e djathtë. Kjo me qëllim p&e...
Kevin Smith në momentin e arrestimit nga Policia SHBA- Autoritetet në Florida arrestuan një 37-vjeçar të identifikuar si Ke...
Foto ilustruese UKRAINË- Trupa iraniane janë dërguar fshehurazi në vijën e frontit të Ukrainës për të ndihmua...