Politike

Do kandidoni për kryetar bashkie? Meta: Është jashtë qëllimeve të mia politike

Në një intervistë për emisionin 'Spotlight' në Vizion Plus, Meta tha se drejtimi i bashkisë së Tiranës është jashtë qëllimeve të tij politike.

14 Tetor 2022, 22:29 Nga I.A
Do kandidoni për kryetar bashkie? Meta: Është jashtë
Ilir Meta

TIRANË- Kryetari i Partisë së Lirisë, Ilir Meta ka deklaruar se nuk ka në plan që të kandidojë për kryetar bashkie. Në një intervistë për emisionin 'Spotlight' në Vizion Plus, Meta tha se drejtimi i bashkisë së Tiranës është jashtë qëllimeve të tij politike.    

"Unë nuk jam një kandidat, nëse do votohem do jem i detyruar të jem katër vjet kryetar bashkie. Është jashtë qëllimeve të mia politike. Pavarësisht se po të isha në kushte të tjera, mund ta kisha pranuar. Është e kaluar. Të gjithë ato shërbime që unë i kam bërë Tiranës kur isha kryeministër, e ka të vështirë të bëjë një kryetar bashkie. Parkun Rinia e ke me vendim, është marrë në maj, është thënë që do dalë bari në filan datë. Marrim rastin e parkut të lodrave të ETC-ja, e kam bërë unë. Mora dhe zotërinë aty dhe bëri foto. Unë nëse marr një detyrë, e çoj deri në fund. U bëra President, në 25 korrik përfundoi misioni im. Mund të kisha ikur më herët, por kisha bërë një betim. Roli im kryesor është gardian i referendumit. Atë se çfarë bëhem unë, atë e vendosin qytetarët shqiptarë. Nuk e përçmoj votën e tyre," tha Meta.

ilir meta

Sondazh

Poll

MË SHUMË