Politike

“Ta mbajmë universitetin larg tyre”, Berisha i përgjigjet pedagogut kritik: Ne rirtëm me më shumë se 40-50% rrogat, investuam dhjetëra miliona euro në arsim

Kryedemokrati u shpreh se PD-ja mbështet kauzat dhe jo personat.

14 Tetor 2022, 12:33 Nga F.M
“Ta mbajmë universitetin larg tyre”, Berisha i përgjigjet
Sali Berisha

TIRANË- Kryedemokrati Sali Berisha i është përgjigjur pedagogut Lush Susaj, i cili nga protesta tha se universtiteti duhet të qëndrojë larg 3 familjeve politike 'Rama-Berisha-Meta' që kanë udhëhequr vendin prej 25 vitesh. Në një konferencë me gazetarët, Berisha tha se kritikat e pedagogëve nuk do ta ndalojnë atë që t'i mëbshtesë në protestë. Kryedemokrati u shpreh se PD-ja mbështet kauzat dhe jo personat.

Pjesë nga konferenca:

Pyetje: Sot është zhvilluar një protestë e pedagogëve në Tiranë, ka pasur pedagogë që janë artikuluar kundër jush, sa herë qeveria Berisha ka rritur pagat e pedagogëve kur ju ishit në krye të vendit?

Sali Berisha: Nuk përbën asnjë pengesë fakti që ata shprehen kundër meje. Qeveria Berisha ka rritur me më shumë se 40-50% rrogat e pedagogëve, ka rritur buxhetin në mënyrën më të ndjeshme për arsimin, për shkencën, ka mbajtur një qëndrim, ka dyfishuar numrin e stafit akademik, ka investuar në dhjetëra, dhjetëra million euro, në logjistikë, në kampuse dhe univeristete. Nuk them se u arrit maksimumi, por ishte një proces mbështetje absolute. Mbi të gjitha garnatoi lirinë akademike, nuk çoi komisarë, nuk ngriti borde, ka qenë një situatë krejt tjetër, nuk kam asgjë me ta. Asgjë s’e pengon Partinë Demokratike të mbështesë çdo kauzë, ne mbështesim kauzat dhe jo personat. Jemi rreshtuar me kauza të drejta.  

sali berisha

Sondazh

Poll

MË SHUMË