Politike

Sulmi kibernetik, drejtoresha e AKSHI-t raporton te Siguria, Komisioni mbyll dyert për mediat

Karçanaj tha se informacionet që do të diskutohen sot në Komision janë të klasifikuara si sekrete. 

14 Tetor 2022, 12:04 Nga f.g
Sulmi kibernetik, drejtoresha e AKSHI-t raporton te Siguria, Komisioni mbyll
Linda Karcanaj, drejtoresha e AKSHI

TIRANE- Komisioni Parlamentar për Sigurinë Kombëtare i ka mbyllur sot dyert për tu zhvilluar pa praninë  e mediave. Komisoni ka në fokus ditën e sotme sulmin kibernetik të hakerave iranianë dhe e pranishme ishte edhe drejtoresha e AKSHI-t, Linda Karçanaj. Karçanaj tha se informacionet që do të diskutohen sot në Komision janë të klasifikuara si sekrete. 

"Kam një raport që duhet t’jua vë në dispozicion që përmban informacion sekret dhe tepër sekret. Është e pamundur të ndahet që kjo është sekret dhe kjo tjetra jo. Raportet që do të citohen në raportin tim janë të klasifikuara, ndërkohë që raportet e hapura janë bërë publike nga Microsoft dhe FBI”, tha Karçanaj.

Kërkesa u hodh për votim ku deputetët e PS votuan pro, dy nga opozita votuan kundër dhe një abstenoi. Kryetari i Komisionit, Nasip Naço kërkoi që deputetët të dorëzojnë telefonat për të mos cënuar informcionin që do të jepet sot në seancë./Dosja.al

 

linda karçanaj sulmi kibernetik

Sondazh

Poll

MË SHUMË