Aktualitet

Goditen tre raste të tregtimit të mallrave kontrabandë në Tiranë, arrestohen 3 persona

Vihen në pranga pronarët e 3 subjekteve tregtare, sekuestrohen 65 aparate celulare të llojeve të ndryshme.

13 Tetor 2022, 15:42 Nga A.B
Goditen tre raste të tregtimit të mallrave kontrabandë në
Telefonat

TIRANË- Tre persona janë arrestuar në kryeqytet, pasi janë përfshirë në kontrabandën e mallrave. Gjatë kontrolleve të ushtruara në dyqanet në pronësi të këtyre shtetasve, në Kamzë, shërbimet e Policisë gjetën dhe sekuestruan, në cilësinë e provës materiale, 65 aparate celulare të llojeve të ndryshme, të dyshuara të kontrabanduara.

NJOFTIMI I POLICISË:

Goditen 3 raste të tregtimit të mallrave të dyshuara të kontrabanduara. Finalizohet, nga Seksioni për Hetimin e Krimeve Ekonomike dhe Financiare, operacioni policor i koduar "Phones 2". Vihen në pranga pronarët e 3 subjekteve tregtare, sekuestrohen 65 aparate celulare të llojeve të ndryshme.

Specialistët e Seksionit për Hetimin e Krimeve Ekonomike dhe Financiare, në vijim të punës për parandalimin, evidentimin dhe goditjen e paligjshmërive, në kuadër të operacionit policor të koduar "Phones 2", kanë goditur 3 raste të tjera të kontrabandës së mallrave, për të cilat u bë arrestimi i shtetasve:

- M. Xh., 28 vjeç, E. L., 34 vjeç dhe E. P., 24 vjeç.Gjatë kontrolleve të ushtruara në dyqanet në pronësi të këtyre shtetasve, në Kamzë, shërbimet e Policisë gjetën dhe sekuestruan, në cilësinë e provës materiale, 65 aparate celulare të llojeve të ndryshme, të dyshuara të kontrabanduara.Materialet i kaluan Prokurorisë, për veprime të mëtejshme procedurale.

mallra kontrabande tirane

Sondazh

Poll

MË SHUMË