TIRANË– Një ish-efektiv policie, i arrestuar për shpërdorim dhe prishje imazhi të policisë së Shtetit është sërish në radhët e uniformave blu.
Bëhet fjalë për Demir Dedën, 26-vjeçarin që para dy vitesh u arrestua pasi u përfshi në një sherr mes mbështetësve të PDIU-së dhe PD-së në Dibër.
Deda u arrestua për prishje imazhi të Policisë së Shtetit, pasi i armatosur shoqëronte me fuoristradë mbështetësit e partisë së Shpëtim Idrizit, në momentin që simpatizantë të PD-së u bllokuan rrugën dhe më pas nisi përplasja.
Por pavarësisht kësaj ngjarjeje, 26-vjeçari aktualisht punon si polic bashkiak në Bashkinë e Durrësit dhe reklamohet nga kryebashkiakja e dalë nga Partia Socialiste, Valbona Sako.
Në një status në rrjetet sociale, Sako përgëzon Policinë Bashkiake për punën e bërë gjatë sezonit veror.
“Përgëzoj policinë bashkiake për punën e deritanishme bërë gjatë këtij sezoni,
ky më kryesorja gjatë sezonit turistik ka qenë largimi i të gjithë ambulantëve nga vija bregdetare
.
????Më shumë përkushtim dhe zbatim pa kompromis i ligjit. Plan masash urgjent dhe një organizim i ri për ti shërbyer sa më mirë qytetarëve të Durrësit,”- shkruan kryeashkiakja e Durrësit krahas fotove ku mes efektivëve është edhe Demir Deda.
Ngjarja e ndodhur në vitin 2017
Rreth orës 01.00 të ditës së sotme, Policia ka marrë njoftim se në vendin e quajtur Ushtelenxë, Njësia Administrative Tomin, Bashkia Peshkopi, në rrugën e fshatit Ushtelenxë, po ndodh një konfrontim midis simpatizantëve të dy subjekteve politike.
Disa banorë të fshatit Ushtelenxë, simpatizantë të PD-së kanë bllokuar qarkullimin e dy mjeteve të PDIU-së. Banorët e fshatit dhe militantët e PDIU janë rrahur me njëri-tjetrin në rrugë.
Menjëherë, forca të shumta Policie të Drejtorisë Vendore dhe Komisariatit të Policisë Dibër, të mbështetura nga Forcat e Ndërhyrjes së Shpejtë kanë shkuar në vendin e ngjarjes dhe kanë bërë të mundur parandalimin e përshkallëzimit të situatës.
Gjatë kontrollit policor, në automjetin tip ”Range Rover” që drejtohej nga polici i Portit, Demir Deda, u gjet dhe u sekuestrua një armë zjarri pistoletë, të cilën ai deklaroi se e mbante me leje për shkak të detyrës si punonjës policie.
Militantët e PDIU kanë qenë me dy fuoristrada. Përveç “Range Rover” që drejtohej nga polici ka qenë dhe një automjet tjetër tip ”Land Rover”, me mbishkrime e logo të këtij subjekti politik. Aty nuk janë gjetur materiale të dyshimta, tha policia.
Policia njofton se: U kryen veprimet proceduriale dhe u referuan materialet në Prokurorinë pranë Gjykatës së Shkallës së Parë Dibër, ndaj shtetasve:
D.R, 36 vjeç, banues në Peshkopi.
M.Z, 27 vjeç, banues në fshatin Ushtelenxë
K.S, 23 vjeç, banues në fshatin Ushtelenxë.
Materialet në ngarkim të tyre u referuan si të dyshuar për kryerjen e veprave penale ”Pengimi i qarkullimit të mjeteve të transportit”, ”Prishja e qetësisë publike” dhe ”Kanosja”, parashikuar nga nenet 293, 274, 84 e 25 të Kodit Penal.
Të gjitha veprimet proceduriale janë kryer nën drejtimin e Drejtuesit të Prokurorisë Dibër.
(f.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Kreu i Partisë Demokratike, Lulzim Basha pas takimit me ambasadorin e ri gjerman, Peter Zingraf, ka dalë në një deklaratë për mediat. Në fjalën e t...
Ish-deputetja e Partisë Demokratike, Izmira Ulqinaku ka reaguar pas deklaratës së deputetes së PS, Senida Mesit, e cila sulmonte Lulzim Bashën.Në një reagim në ...
TIRANË- Kreu i partisë Demokratike, Lulzim Basha priti sot në një takim ambasadorin e ri gjerman Peter Zingraf. Takimi u zhvillua në orën 12: 30 në selinë ...
TIRANË- Kryeministri Edi Rama, gjatë muajit gusht është “zhdukur” nga mediat dhe komunikimin e tij e bën vetëm nga rrjetet sociale. Ai shpesh poston foto n...
TIRANË- Pas akuzave të lëshuara dje nga kryetari i Partisë Demokratike, Lulzim Basha në adresë të PS dhe ish-zv.kryeministres Senida Mesi, vjen reagimi dhe...
TIRANË- Pas akuzave të Partisë Demokratike dhe kërkesës për Prokurorinë e Përgjithshme për verifikimin e figurës së tij, ka ardhur një reagim nga Agim Kajm...
TIRANË- Partia Demokratike kërkon “kokën” e një tjetër kryebashkiaku socialist. Në një letër drejtuar Prokurorisë së Përgjithshme, Gazment Bardhi, shkruan ...
TIRANË- Kreu i Partisë Demokratike është fotografuar sot në avion. Sipas gazetës Tema, fotografia e Bashës është shprepur në nja avion të Amsterdamit, ku B...
TIRANË- Besimtarët bektashijë kanë nisur pelegrinazhin e tyre ne malin e Tomorit, por këtë vit situata është ndryshe. Mali që quhet i shenjtë, ka futur në ...
