Politike

Përjashtimi i Rusisë, Rama-përfaqësuesit të Ukrainës: Jam 1.98 m i gjatë, e di që drejtoj një vend të vogël

Kryeministri i kujtoi përfaqësuesit të Ukrainës se ai vërtet mund të jetë një burrë i gjatë, por është i vetëdijshëm se drejton një vend të vogël si Shqipëria.

12 Tetor 2022, 17:04 Nga A.B
Përjashtimi i Rusisë, Rama-përfaqësuesit të
Edi Rama

STRASBURG- Kryeministri Edi Rama mbajti sot fjalimin për Shqipërinë dhe Kosovën në Këshillin e Evropës në Strasburg. Rama i ktheu përgjigje edhe përfaqësuesit të Ukrainës në KiE lidhur me pyetjen nëse Rusia do të përjashtohet nga OKB-ja. Kryeministri i kujtoi përfaqësuesit të Ukrainës se ai vërtet mund të jetë një burrë i gjatë, por është i vetëdijshëm se drejton një vend të vogël si Shqipëria.

Aleksi Goncherenko: Shoh shumë emocione dhe mendoj që duhet të jemi të bashkuar. Dua të falenderoj Shqipërinë edhe për mbështetjen e Ukrainës. A duhet të përjashtohet Rusia nga OKB?

Rama: Embëlsira për në fund. Unë jam kryeministri i Shqipërisë, jam 1 metër e 98 cm por jam i qartë për madhësinë e vendit tonë. Nuk mendoj se Shqipëria mund të ketë kapacitetin ti thotë vendit se çfarë duhet të bëjë. Gjëja e mirë kur drejton një vend të vogël është që ti nuk merr dot vendime për botën por thjesht i ndjek. Jemi vendi më pro-europian në Europë. Jemi më proamerikane se 'Texanët'. Jemi në rregull se me çfarë bëjnë të mëdhenjtë. Nuk i takon Shqipërisë që të flasë për përjashtimin e Rusisë. Po doni ta përjashtojmë, Rusinë, e përjashtojmë. Po të doni ta mbajmë, e mbajmë. Nuk na takon ne. Nuk e sundojmë ne botën. Ne duam që shqiptarët të respektohen plotësisht. Duke u siguruar që mosmarrëveshjet tona të mos jenë arsye që të hapen konflikte të reja, por në të njëjtën kohë duke i lënë të gjithë të kuptojnë se cilësia e demokracisë nuk ka të bëjë sa dakord bie dakord me tjetrin. Por sesa në mënyrë të hirshme nuk bie dakord. Duhet ta dini të gjithë besoj se shumica prej jush janë të martuar.

edi rama rama per dick marty 12 tetor 2022

Sondazh

Poll

MË SHUMË