Sport

‘Luftë e heshtur’ mes Ronaldos dhe trajnerit Ten Hag, secili në ‘llogoren’ e tij…

Sipas medias angleze ‘Times’, portugezi nuk është dakord me metodat e trajnerit të tij

8 Tetor 2022, 11:16 Nga DOSJA

‘Luftë e heshtur’ mes Ronaldos dhe trajnerit Ten Hag, secili

ANGLI - Deri tani nuk është sezoni i Cristiano Ronaldos. Këtë e dëshmon edhe ndeshja e tij e fundit kundër Omonias qipriote në Europa League, apo performanca e tij kundër Spanjës në Nations League. Një nga arsyet kryesore të rënies së shifrave të tij është se ai e nis ndeshjen si zëvendësues në skemat e Erik Ten Hag.

Marrëdhënia mes trajnerit holandez, i cili sapo ka ardhur në Manchester United këtë verë, dhe yllit portugez nuk është më e mira. Gazetari i ‘Times’, Duncan Castles është një nga ata që janë më të afërt me Jorge Mendes, agjentin e Cristianos, dhe ka ndikuar në këtë çështje. Në një lajm të publikuar sot nga mediat britanike, përsëritet se ‘7’ është “në mosmarrëveshje” me trajnerin e tij.

Fokusi duket se është në stilin e ri të lojës që Ten Hag ka zbatuar. “Burimet e brendshme e përshkruajnë Cristiano Ronaldon, shpesh në mosmarrëveshje me të. Ata flasin për një futbollist që ankohet për cilësinë dhe natyrën e stërvitjes”,- ka thënë Castles. Portugezi nuk ndalet me kaq, pasi mendon edhe se skuadra “do të ishte më mirë të luante ndryshe”.

Ankesat e Cristianos janë të fokusuara në stilin e lojës së Ten Hag, dhe jo në zëvendësimet e tij; sipas informacioneve të ‘Times’. Castles shton se qëndrimi i trajnerit të tij nuk i pëlqen yllit portugez: “Ai e konsideron Ten Hag kokëfortë dhe të lidhur pa nevojë me stilin që funksionoi për të te Ajax”.

Historia me Cristiano Ronaldon filloi me këmbën e gabuar. Portugezi kërkoi një dalje në verë që nuk mundi të realizohej. Si pjesë e "luftës" midis klubit, lojtarit dhe agjentit të tij, sulmuesi iu bashkua parasezonit vonë. Ishte problemi i parë me të cilin duhej të merrej trajneri pas mbërritjes. Cristiano ishte larg skuadrës derisa merkato u mbyll  me nënshkrimet e 'Djajve të Kuq' me Casemiro dhe Antony... dhe '7' të veshur me të kuqe. Situata e Cristianos është një nga temat më të komentuara te Mançester Junajtid.

‘Luftë e heshtur’ mes Ronaldos dhe trajnerit Ten Hag, secili

B.T (Dosja.al)

Sondazh

Poll

MË SHUMË