Politike

LOKALET/ Begaj pret Alibeajn e Bardhin, deputeti i PD: Të mbahen sa më shpejt të jetë e mundur (Porosia)

I pyetur nga gazetarët për faktin se ditën e djeshme në takim me Begajn ishte Oerd Bylykbashi, Alibeaj bëri të ditur se ishte thirrur në takim në cilësinë e ushtruesit të detyrës së krytarit të Partisë Demokratike.

5 Tetor 2022, 17:59 Nga k.m e.k
LOKALET/ Begaj pret Alibeajn e Bardhin, deputeti i PD: Të mbahen sa më
Enkelejd Alibeaj dhe Gazment Bardhi

TIRANË- Deputetët e Partisë Demokratike, Enkelejd Alibeaj dhe Gazment Bardhi shkuan sot në Presidencë për t'u takuar me Kreun e Shtetit në kuadër të takimeve që ky i fundit po bën në lidhje me zgjedhjet lokale të vitit që vjen.

Pas takimit që zgjati më shumë se një orë deputeti i Partisë Demokratike foli për mediat ku dhe zbardhi takimin me Presidentin, Bajram Begaj. Alibeaj tha se i kishte takuar Kreut të Shtetit që të vendoste sa më shpejt një datë për zgjedhjet vendore. 

I pyetur nga gazetarët për faktin se ditën e djeshme në takim me Begajn ishte Oerd Bylykbashi, Alibeaj bëri të ditur se ishte thirrur në takim në cilësinë e ushtruesit të detyrës së krytarit të Partisë Demokratike.

Enkelejd Alibeaj: Ajo se çfarë i thashë presidentit të republikës është që sa i përket se datës se kur zgjedhjet do të mbahen, i sugjerova që do duhet të jetë një datë sa më herët brenda kësaj periudhe. Për një arsye të thjeshtë, se duhet që një orë e më parë do duhet tu japin të drejtën shqiptarëve të votojnë për zgjedhjet. Pa cilësuar një datë fikse qëndrimi ynë është një orë e më parë. Data e zgjedhjeve është një datë ku shprehet vullneti i shqiptarëve. I kërkova dhe diçka tjetër që në momentin kur presidenti do flasë ky mendim mos të bëhet pengesë për reformën territoriale, i kërkova që mund të shprehej në një moment pas datës 1 tetor që të mos bëhet pengesë apo të kreijohen keqjkuptime. Ky ishte qëndrimi që patë. E pyeta presidentin, jam thirrur në cilësinë e ushtruesit të detyrës së Partisë Demokratike.

Presidenti i Republikës, Bajram Begaj ka nisur takimet me drejtuesit e partive politike për të rënë në konsesus për një datë zgjedhjesh. Ditën e djeshme në zyrën e Kreut të Shtetit mbërriti nënkryetari i PD-së, Oerd Bylykbashi. Zgjedhjet lokale rikthyen dhe njëherë në Presidencë, ish-Kreun e Shtetit, Ilir Meta tashmë në cilësinë e kryetarit të Partisë së Lirisë. Po ditën e djeshme dhe krerët e partive të vogla, Fatmir Mediu, Agron Duka, Vangjel Dule dhe Dashamir Shehu shkuan në Presidencë ku u takuan me Begajn. Sipas Kodit Zgjedhor, zgjedhjet në Shqipëri zhvillohen në periudhat 15 prill deri në 15 maj, ose nga 15 tetori deri në 15 nëntor, por që në këtë rast zgjedhjet me shumë mundësi do të jenë në periudhën e pranverës.

enkelejd alibeaj gazment bardhi zgjedhjet lokale 2023

Sondazh

Poll

MË SHUMË