Aktualitet

Fshehu vetëvrasjen e gruas, lihet në burg Shefqet Lika, si u zbulua ngjarja e rëndë që tronditi Kamzën

Seanca është mbajtur sot ku është caktuar masak e sigurisë për Shefqet Likën, i cili u vu në pranga më 6 shtator të këtij viti.

4 Tetor 2022, 16:22 Nga F.M
Fshehu vetëvrasjen e gruas, lihet në burg Shefqet Lika, si u zbulua
Shefqet dhe Shahe Lika

TIRANË- Gjykata e Apelit Tiranë ka lënë në fuqi masën arrest në burg për Shefqet Likën, i cili akuzohet për shkaktim të vetëvrasjes së bashkëshortes së tij, Shahe Lika dhe veprime që pengojnë zbulimin e të vërtetës. Në njoftimin e Gjykatës së Apelit bëhet me dije se seanca është mbajtur sot ku është caktuar masak e sigurisë për Shefqet Likën, i cili u vu në pranga më 6 shtator të këtij viti.

Njoftimi i Gjykatës:

Referuar interesimit të mediave, Gjykata e Apelit Tiranë, informon sa më poshtë: Në datën 05.09.2022, rreth orës 07:30, në Komisariatin e Policisë nr. 5 Tiranë, është paraqitur shtetasi me iniciale S.B, i cili ka kallëzuar se ka dyshime në lidhje me vdekjen e motrës së tij, ndaj bashkëshortit të saj me iniciale SH.L, i cili dyshohet për kryerjen e veprës penale të “Shkaktimi i vetëvrasjes” si dhe “Veprime që pengojnë zbulimin e të vërtetës”.

Gjykata e Rrethit Gjyqësor Tiranë, ka zhvilluar gjykimin lidhur me vlerësimin e arrestit dhe caktimin e masës së sigurimit “arrest në burg”, për personin nën hetim SH.L, i dyshuar për kryerjen e veprave penale “Shkaktimi i vetëvrasjes” si dhe “Veprime që pengojnë zbulimin e të vërtetës”, të parashikuara nga nenet 99  dhe 301  të  Kodit Penal.

Me vendimin nr. 1862 Regj.Them, datë 08.09.2022, Gjykata e Rrethit Gjyqësor Tiranë ka vendosur:

-          Vlerësimin si të ligjshëm të arrestit në flagrancë të personit nën hetim SH.L.

-          Caktimin si mase sigurimi personal ndaj shtetasit SH.L, ate të “arrestit ne burg”, te parashikuar nga Neni 238 I K. Pr. Penale.

Çështja në apel u shqyrtua mbi bazën e ankimit të bërë nga personi nën hetim SH.L, i cili kërkoi ndryshimin e vendimit, caktimin e masës së sigurimit personal “Detyrim për tu paraqitur në policinë gjyqësore”.

Në vijim, Gjykata e Apelit Tiranë, e përbërë nga Relatore Gjyqtare znj. Elona Toro, me vendimin nr, 856 datë 04.10.2022 vendosi:

-Miratimin e vendimit 1862 Akti, datë 08.09.2022 të Gjykatës së Rrethit Gjyqësor Tiranë. Tiranë, 04.10.2022 Gjykata e Apelit Tiranë. 

Si ndodhi ngjarja e rëndë në Kamëz?

Ngjarja e rëndë tronditi Kamzën më 5 shtator të këtij viti. Fillimisht u raportuar si vetëvrasje, por brenda pak orëve, pas interesimit të Dosja.al, autoritetet dolën me një sqarim zyrtar për vdekjen e gruas, Shahe Lika, madje arrestuan edhe bashkëshortin e saj, Shefqet Lika. Shahe Lika vrau veten pas një sherri të fortë me të shoqin, por ky i fundit lajmëroi familjarët se 55-vjeçarja kishte ndërruar jetë në mënyrë natyrale. Gjithçka është zbuluar nga familjarët e 55-vjeçares, të cilët gjatë ceremonisë së varrimit kishin vënë re e ndjera kishte shenja në fyt. Pas analizave të bëra, rezultoi se 55-vjeçarja kishte kryer vetëvrasje. Në pranga u vu Shefqet Lika. 56-vjeçari rrëfeu në Komisariatin e Kamzës se nuk e kishte denoncuar vetëvrasjen sepse kishte frikë se s’do e besonin familjarët e saj. 56-vjeçari e dhunonte prej kohësh bashkëshorten e tij duke e shtyrë drejt vetëvrasjes. 

gjykata e apelit shefqet lika shahe lika

Sondazh

Poll

MË SHUMË