Aktualitet

U kapën me 1 mln e 75 mijë euro falso, Prokuroria kërkon 9 vite burg për zviceranen dhe 2 shtetasit kamerunas

Konkretisht: 53-vjeçari nga Kameruni Josoue Ngankam, Jeniffer Chollet nga Zvicra dhe kamerunasin tjetër, Zinedine Nkeh. Të tre personat kanë hyrë me gjykim të shkurtuar në proces. Pritet që në ditët në vijim, gjykata të shprehet për dënimin ose jo të tyre.

28 Shtator 2022, 16:07 Nga e.k
U kapën me 1 mln e 75 mijë euro falso, Prokuroria kërkon 9 vite
Prokuroria e Tiranës

TIRANË- Prokuroria e Tiranës kërkoi dënimin me 9 vjet heqje lirie për tre persona të arrestuar në 17 shkurt 2022. Ata kishin falsifikuar 1 milion e 75 mijë euro. Prokurori i çështjes, Bledar Valikaj, i kërkoi gjykatës së kryeqytetit deklarimin fajtor dhe dënimin me 9 vjet burgim.

Konkretisht: 53-vjeçari nga Kameruni Josoue Ngankam, Jeniffer Chollet nga Zvicra dhe kamerunasin tjetër, Zinedine Nkeh. Të tre personat kanë hyrë me gjykim të shkurtuar në proces. Pritet që në ditët në vijim, gjykata të shprehet për dënimin ose jo të tyre.

Këta persona u ndaluan në muajin shkurt dhe gjatë hetimeve të kryera është provuar aktiviteti kriminal. Të ndaluarit kanë pranuar akuzën e falsifikimit të 1 milion e 75 mijë euro, të cilat do i fusnin në Shqipëri. Josoue Ngankam, me origjinë nga Kameruni ishte banues në Paris të Francës. Nisja e tij ishte Parisi, më pas drejt Turqisë dhe destinacion përfundimtar Shqipërinë. Sipas prokurorisë, shtetësja zviceriania Chollet, jetonte prej disa vitesh në vendin tonë dhe emri i saj si bashkëpunëtore është shfaqur pas marrjes së deklarimeve të Ngankam. Ajo deklaroi në gjykatë se është e pafajshme ndërsa tentoi ti shmangej kamerave.

Po pavarësisht deklarimeve, prokurori Valikaj argumentoi ne gjykatë se ka prova që të arrestuarit janë bashkëpunëtor dhe pjesë te trafikimit të eurove false.

prokuroria e tiranes kameruni josoue ngankam jeniffer chollet zinedine nkeh

Sondazh

Poll

MË SHUMË