Bota

"Larje hesapesh" mes bandave malazeze, arrestohet në Turqi anëtari i grupit Kavaça Milan Vujotiç

Vujotiç u arrestua pak ditë pas një operacioni të madh të policisë turke, e cila më 19 shtator të këtij viti arrestoi 12 persona, të cilët dyshohet se kanë lidhje me likuidimin e liderit të klanit Skaljar, Jovan Vukotiç.

27 Shtator 2022, 12:10 Nga d.a.
"Larje hesapesh" mes bandave malazeze, arrestohet në Turqi
Vujotiç

MAL I ZI- Milan Vujotiç, anëtar i lartë i grupit kriminal 'Kavaça' nga Podgorica, është arrestuar me fletarrest ndërkombëtar në Turqi sipas kreut të Administratës së Policisë.

Sipas Vijesti, Vujotiç u arrestua pak ditë pas një operacioni të madh të policisë turke, e cila më 19 shtator të këtij viti arrestoi 12 persona, të cilët dyshohet se kanë lidhje me likuidimin e liderit të klanit Skaljar, Jovan Vukotiç.

“Kemi marrë konfirmimin për arrestimin e Vujotiçit”, ka thënë bashkëbiseduesi i “Vijesti”.

Portali turk “Ayansmanisa” ka bërë të ditur se një person tjetër është arrestuar më pas pasi në një operacion të policisë lokale u zbulua vrasja e Vukotiçit, i cili u vra më 8 shtator në Stamboll teksa ishte në veturë me gruan dhe vajzën e tij të vogël.

“I dyshuari, marrja në pyetje e të cilit ka përfunduar, është arrestuar nga organet gjyqësore dhe është dërguar në burg”, shkruan portali.

Në luftën e përgjakshme shumëvjeçare mes dy organizatave kriminale nga Mali i Zi, viktima e parë duhej të ishte Milan Vujotiç nga Podgorica, por ai për mrekulli mbijetoi kur një mjet shpërthyes u aktivizua në mes të ditës nën makinën e tij të blinduar “Audi” A-8 në fillimi i shkurtit 2015 afër kopshtit në bllokun 5 në Podgoricë.

Të njëjtën ditë, në orët e vona të mbrëmjes, në një garazh nëntokësor në Beogradin e Ri u vra Goran Radoman (37 vjeç) nga Cetinja, ndërsa në luftën mes dy grupeve kriminale u vranë të paktën 60 persona.

Ndaj Milan Vujotiçit është lëshuar fletarrest ndërkombëtar për shkak të disa aktakuzave të ngritura kundër tij në Mal të Zi, dhe për shkak të akuzave se si pjesëtar i grupit kriminal ka organizuar kontrabandë ndërkombëtare të drogës dhe vrasje. Prokuroria Speciale e Shtetit ngriti aktakuzë kundër Slobodan Kašćelan (58 vjeç) dhe organizatën e tij kriminale trembëdhjetë anëtarësh, përfshirë Vujotiçin, për shkak të akuzave se ata janë përgjegjës për vrasjen e Nikola Stanishiçit në fillim të gushtit 2020.

Në aktakuzën e SDT-së është përfshirë edhe emri i Milan Vujotiçit për shkak të pretendimeve se ai ka luajtur një rol gjatë rrëmbimit dhe më pas vrasjes së Mileta Raduloviç, e njohur si Kapiten, e cila u vra më 14 tetor 2020. Aktakuza për atë vrasje është ngritur kundër shtetasve serbë Veljko Belivuk, Marko Miljkoviç, Nebojsha Jankoviç dhe Ratko Zhivkoviç. Në aktakuzë janë edhe emrat e të arratisurit Radoj Zvicer, Dragan Knezheviç, Dushko Roganoviç dhe Vladimir Vuçkoviç.

Vujotiç po ndiqet penalisht edhe në Slloveni dhe në fund të vitit të kaluar, prokuroria vendase e ka paditur atë dhe 24 persona të tjerë për trafik ndërkombëtar droge. Policia dhe prokuroria sllovene mbyllën një qeli të klanit Kavac që vepronte në atë vend dhe besohet se ata kontrabanduan të paktën 790 kilogramë kokainë, armë, si dhe transferuan 5.6 milionë euro para në dorë nga Shania në Beograd. Autoritetet sllovene kanë siguruar komunikim të koduar mes disa të dyshuarve, i cili tregon edhe se kush ishte përgjegjës për transportin e drogës në Spanjë për klanin kriminal, nga ku e kontrabandonin në vendet e Bashkimit Evropian. Sipas atyre dokumenteve, sllovenët dyshojnë Milan Vujotiqin nga Podgorica se në një ditë të pacaktuar të vitit 2018, ai "lejoi" Filip Vrziç të krijojë një celulë të klanit Kavaça në Slloveni.

arrestohet milan vujotiç bandat ne malin e zi vritet jovan vukotiç

Sondazh

Poll

MË SHUMË