Aktualitet

Salillari merr 2.2 milionë euro pa garë nga KESH! Open Data e rendit me "flamur të kuq"

Në tenderin e hapur nga KESH ka marrë pjesë vetëm një kompani, Salillari e cila është dhe fituesja e tenderit. Fondi prej 2.2 milion eurosh është parashikuar të realizohet brenda 100 ditëve, ndërsa tenderi konstatohet pa garë. Kështu Open Data e ka vlerësuar tenderin me "flamur të kuq" pasi në garë ka qenë vetëm një kompani.

26 Shtator 2022, 20:03 Nga e.k
Salillari merr 2.2 milionë euro pa garë nga KESH! Open Data e rendit
Anijet e vendosura për prodhimin e energjisë

TIRANË- 2.2 milion euro është shuma që taksapaguesit shqiptarë do t'i paguajnë kompanisë Salillari për të lidhur dy anijet që do të prodhojnë energji në Vlorë me rrjetin e brendshëm të Shqipërisë. 

Në tenderin e hapur nga KESH ka marrë pjesë vetëm një kompani, firma "Salillari është fituesja e tenderit. Fondi prej 2.2 milion eurosh është parashikuar të realizohet brenda 100 ditëve, ndërsa tenderi konstatohet pa garë. Kështu Open Data e ka vlerësuar tenderin me "flamur të kuq" pasi në garë ka qenë vetëm një kompani.

Salillari merr 2.2 milionë euro pa garë nga KESH! Open Data e rendit
Open Data e ka rënditur me flamur të kuq tenderin

Fondi limit i tenderit ishte 280 milionë lekë, por kompania e vetme pjesëmarrëse në garë, ka ofruar për realizimin e këtyre punimeve, ofertën me vlerë 257 milionë lekë. KESH nga e tij e ka cilësuar këtë si ofertë të suksesshme, duke e përzgjedhur fituese, ndonëse në garë ka qenë pjesëmarrëse vetëm kjo kompani.

Në dokumente paraqiten dhe projektet që do të realizohen nga thellimi i bregut ku janë ankoruar anijet dhe deri në brendësi të Triportit.

Pasi iu zbuluan tre kate pa leje, 1200 metër katror në një godinë në Farkë, firma e Salillarit vazhdon projektet si normalisht edhe pse po hetohet nga Prokuroria e Tiranës për shkeljen e tij. "Biznesmeni i preferuar" i kryeministrit Edi Rama, pak ditë më parë fitoi një tjetër tender, për thellimin e basenit të Triportit, në Vlorë, ku do të ankorohen anijet nga Bangladeshi, të cilat do të prodhojnë energji elektrike. 2.2 milionë euro është fatura që qeveria shqiptare do ti paguajë kompanisë Salillari, ndërsa tenderi konstatohet pa garë. Madje dhe Open Data e ka renditur me flamur të kuq. Por mesa duket nuk e ka parë askush. 

kesh open data agjensia e prokurimit publik salillari

Sondazh

Poll

MË SHUMË