Aktualitet

'Po qante shumë'/ Babai shqiptar dhunoi foshnjën, rrëfehet në Prokurori: Ishte 'një moment i keq'

Sipas tij, babai ka pohuar se nuk ka ditur të përballet me të qarat e fëmijës dhe se tani është në gjendje të keqe.

26 Shtator 2022, 15:38 Nga k.m.
'Po qante shumë'/ Babai shqiptar dhunoi foshnjën,
Shqiptari

GREQI- Detaje të reja nga ngjarja e rëndë që ndodhi në Greqi, ku 20-vjeçari shqiptar rrahu foshnjen e tij, vetëm 4 muajshe. Sipas raportimeve të mediave greke, avokati mbrojtës i shqiptarit Nikos Angelopoulos ka bërë me dije se shqiptari ka kërkuar falje dhe ka pretenduar se dhuna ka ndodhur si pasojë e “një momenti të keq”. Sipas tij, babai ka pohuar se nuk ka ditur të përballet me të qarat e fëmijës dhe se tani është në gjendje të keqe.

E ëma, e cila po ashtu u arrestua, është lënë e lirë dhe po ashtu të mërkurën do të dalë në hetuesi. Ata së bashku, përveç dhunës ndaj fëmijës që ndodhet në intubim në spital, po përballen edhe me akuza për mbajtje armësh dhe droge. Pasi gjatë kontrollit në shtëpi, çiftit iu gjet një armë dhe një sasi e vogël hashashi.

Nga ana tjetër, mjekët në spitalin e Fëmijëve e cilësojnë gjendjen e foshnjës si jashtëzakonisht të rëndë dhe “një bixhoz të madh” për t’i shpëtuar jetën. Kjo pasi ka marrë lëndime të mëdha në kokë e gjoks.

Gjithçka ka ndodhur pasditen e së shtunës në fshatin Aetos të komunës së Trifilisë. E ëma e foshnjës ishte duke punuar dhe babai e kontaktoi duke thënë se foshnja nuk ishte mirë. Sapo është kthyer në shtëpi, fëmija është dërguar në spitalin e Qiparisisë dhe prej andej në spitalin e Kalamatës. Analizat dhe një skanim CT treguan se foshnja kishte lëndime të rënda në kokë dhe mavijosje në të gjithë trupin e tij dhe se vuante nga sindroma e dridhjeve, e cila tregon se ishte dhunuar. Nga mjekët u gjykua e nevojshme intubimi i tij, pasi ndodhej në gjendje kritike për jetën. Në të njëjtën kohë, mjekët njoftuan edhe autoritetet policore dhe babai u arrestua. Para hetuesëve, shqiptari ende i paidentifikuar pretendoi se e kishte përqafuar foshnjën dhe e ka tundur ashpër për të mos qarë.

dhunohet foshnja 4 muajsh arrestohet shqiptari ne greqi

Sondazh

Poll

MË SHUMË