Aktualitet

Vrasja e Erjon Xhenjes, shpallet në kërkim Bajram Çekorja, dyshohet se mori hakun e babait

Në kërkim për të njëjtën ngjarje janë shpallur edhe dy persona të tjerë që mendohet se kanë pasur rolin e ndihmësit në krim.

22 Shtator 2022, 18:50 Nga F.M
Vrasja e Erjon Xhenjes, shpallet në kërkim Bajram Çekorja,
Erjon Xhenje

TIRANË- Policia e Shkodrës ka shpallur në kërkim Bajram Çekorjan, i cili dyshohet se ka gisht në vrasjen e Erjon Xhenjes, 19-vjeçarit që u vra mbrëmjen e 18 shtatorit në Shkodër. Mësohet se nga burime në rrugë operative, policia ka dalë në përfundimin se Çekorja ka gisht në vrasjen e Xhenjes.

Në kërkim për të njëjtën ngjarje janë shpallur edhe dy persona të tjerë që mendohet se kanë pasur rolin e ndihmësit në krim. Njëri prej tyre dyshohet se ka qenë në motor me Çekorjan, ndërsa tjetri ka ncjekur dhe ka ‘soiunuar’ të gjitha lëvizjet e Xhenjes.

Erjon Xhenje u qëllua me mbi 30 plumba në Shkodër. 19-vjeçari ishte ulur në një lokal, duke konsumuar kafe në momentin që mbeti i vdekur. Xhenje, rezulton të jetë i afërm i Sehar Xhenjës, i cili është në kërkim për tentativë vrasjeje pasi qëlloi me armë drejt automjetit me të cilin po lëvizte Taulant Pepaj në shkurt të vitit 2021. Për këtë ngjarje janë shpallur në kërkim edhe Eljon (Esmeraldo) Hato, 31 vjeç dhe dhe Shkëlzen Xhenje, 29-vjeç.

Erjon Xhenje dyshohet se ka pasur gisht në atentatin ku mbeti i ekzekutuar Ismet Çekorja, babai i Bajram Çekorjas. Ismet Çekorja, 58 vjeç, banues në lagjen “Kiras” në Shkodër është ekzekutuar me armë zjarri mesditën e dy gushtit. Ai u vra vetëm pak ditë pasi në një intervistë për mediat, doli të mbronte publikisht të birin, Bajram Çekorja, i cili ishte shpallur në kërkim për atentatin ndaj Alban Bruçit.

Bajram Çekorja dhe Tonato Fushaj, djali i ish-Presidentit të Vllaznisë, Valter Fushaj, qëlluan me breshëri plumbash Bruçin mbrëmjen e 25 gushtit, por i riu u shpëtoi plumbave. Ai zbriti me shpejtësi nga makina dhe i shpëtoi atentatit. 

Bajram Çekorja është një person me precedent penalë. Në vitin 2019, ai pasi kishte fshehur në apartamentin e tij në zonën e Komunës së Parisit, Barush Bregun, 35-vjeçarin që kërkohej nga drejtësia. Bregu konsiderohej një person me rrezikshmëri të lartë dhe pjesë e grupit kriminal të Bajrave.  

bajram cekorja ismet cekorja erjon xhenje

Sondazh

Poll

MË SHUMË