Sport

Ishte drejt transferimit te Man.United, De Jong zbulon pse zgjodhi të qëndronte te Barcelona

Në seancën e fundit të merkatos, Manchester United bëri të gjitha përpjekjet për të sjellë Frenkie de Jong në ‘Old Trafford’.

22 Shtator 2022, 13:39 Nga DOSJA

Ishte drejt transferimit te Man.United, De Jong zbulon pse zgjodhi të

SPANJË- Në seancën e fundit të merkatos, Manchester United bëri të gjitha përpjekjet për të sjellë Frenkie de Jong në ‘Old Trafford’. Barcelona, ​​për shkak të krizës financiare, nuk rezistoi, por holandezi qëndroi në Spanjë. Pas javësh e javësh thashethemesh dhe mosmarrëveshjesh, është vetë De Jong ai që tregon se pse nuk u transferua në Premier League.

Trajneri i Manchester United, Erik ten Hag e ka telefonuar disa herë personalisht për ta bindur. 52-vjeçari dhe de Jong punuan së bashku gjatë kohës së Ajax-it. "Unë gjithmonë kam dashur të qëndroj në Barcelonë dhe kjo është arsyeja pse unë kam qëndruar gjithmonë i qetë gjatë verës."

Një marrëveshje dështoi, pavarësisht problemeve mes lojtarit dhe klubit katalanas. Ekipi spanjoll, duke marrë parasysh edhe ofertën e britanikëve, i kishte nisur një ultimatum 25-vjeçarit. Kishte dy mundësi: ose të largohej ose duhej të ulte në mënyrë drastike pagën. Por si janë gjërat tani? de Jong do të shprehej: “Nuk mund të zbuloj shumë detaje. Por shikoni, drejtuesit e klubit kanë idetë e tyre dhe unë kam idetë e mia dhe ndonjëherë ato përplasen. Por në fund gjërat shkuan mirë”.

Thashetheme, tensione dhe pakënaqësi, por marrëdhënia mes Barcelonës dhe holandezit, të paktën tani për tani, po vazhdon, ashtu siç ka dashur gjithmonë Frenkie de Jong. 25-vjeçari ka zhvilluar tetë paraqitje dhe ka shënuar një gol deri më tani.

E.Ç (Dosja.al)

de jong barcelona manchester united

Sondazh

Poll

MË SHUMË