Bota

Fjalimi në 1160-vjetorin e shtetit rus, Putin: Nuk do të dorëzohemi para shantazheve

Më herët, Putin njoftoi një mobilizim të pjesshëm të menjëhershëm të qytetarëve rusë dhe la të kuptohet për përdorimin e armëve bërthamore.

21 Shtator 2022, 19:16 Nga e.k
Fjalimi në 1160-vjetorin e shtetit rus, Putin: Nuk do të
Vladimir Putin

RUSI- Presidenti rus Vladimir Putin, gjatë një fjalimi të mërkurën në një ngjarje për të shënuar 1160 vjetorin e lindjes së shtetësisë ruse, tha se është “e rrezikshme” për Rusinë të “dobësojë sovranitetin e saj” dhe se nuk do të bëjë “të njëjtin gabim” “përsëri.

“Në 1160 vjet, ne kemi mësuar se është e rrezikshme për Rusinë të dobësojë sovranitetin e saj qoftë edhe për një moment. Në këto periudha vetë ekzistenca e Rusisë ishte në rrezik. Askush nuk do të na shohë të bëjmë të njëjtin gabim përsëri. Ne nuk do të dorëzohemi para shantazheve dhe frikësimeve dhe nuk do të humbasim kurrë sovranitetin tonë. Ne do ta forcojmë atë dhe do ta zhvillojmë vendin tonë. Sovraniteti është një garanci e lirisë së çdo njeriu dhe traditës sonë. Njerëzit nuk mund të ndihen të lirë, të vërtetë të lirë, nëse mëmëdheu Rusia nuk është i lirë”, tha Putin.

Putin foli gjithashtu për unitetin “përballë një kërcënimi të përbashkët”.

“Respekti për familjen, dashuria për fëmijët – ky është themeli i fortë i vlerave tona, si dhembshuria dhe dëshira për të kërkuar mirëqenie, jo vetëm për veten tuaj, por për të gjithë Rusinë, vendin dhe për t’u ngritur së bashku në përballë një kërcënimi të përbashkët për miqtë tanë, për atdheun tonë. Tani gjatë operacionit special ushtarak, heronjtë tanë, ushtarët dhe oficerët, vullnetarët tanë tregojnë këto vlera më të larta njerëzore. Ata luftojnë trimërisht si vëllezër për hir të popullit të Donbasit. Të jesh patriot është vetë natyra e Rusisë,” tha ai.

Më herët, Putin njoftoi një mobilizim të pjesshëm të menjëhershëm të qytetarëve rusë dhe la të kuptohet për përdorimin e armëve bërthamore.

vladimir putin rusi lufta ne ukraine

Sondazh

Poll

MË SHUMË