Sport

FIFA befason Portugalinë, e kontrollon për doping para Kupës së Botës...

“Është një veprim i zakonshëm sa herë që po afrohet një Botëror”, siguron Federata e këtij vendi

21 Shtator 2022, 07:42 Nga DOSJA

FIFA befason Portugalinë, e kontrollon për doping para Kupës

PORTUGALI - Portugalia ka pasur një mysafir ‘surprizë’ në startin e stërvitjes për skuadrën e drejtuar nga Fernando Santos në ‘Cidade do Futebol’ në Lisbonë. “Përpara se të kryejë seancën e parë stërvitore, FIFA ka kryer një test anti-doping për të gjithë lojtarët që janë të grumbulluar me kombëtaren”, njoftoi Federata Portugeze e Futbollit (FPF).

Vetë FPF e ka minimizuar rëndësinë e çështjes: "Është një veprim i zakonshëm sa herë që afrohet faza finale e një Kupe Botërore. E njëjta gjë ndodh me UEFA-n kur vjen një kampionat evropian."

Nuk ishte i vetmi lajm në rikthimin në punë të kombëtares në ‘Quinas'. Fernando Santos nuk mund të llogariste te Pepe, Joao Félix apo Bernardo Silva në këtë seancë të parë. Kujtojmë se Portugalia ka dy angazhime zyrtare përpara në këtë pauzë. Do të luajë në transfertë me Republikën Çeke dhe pret Spanjën, për kryesimin në Grupin 2 të Ligës A në lojë.

B.T (Dosja.al)

Sondazh

Poll

MË SHUMË