Sport

Superkupa e Italisë me “Final Four”, Arabia Saudite bën ofertën stratosferike për zhvillimin e aktivitetit

Maxi-oferta vjen nga Arabia Saudite në Serinë A për Superkupën e Italisë. Sipas asaj që raportohet nga MF-Milano Finanza, ka ardhur një propozim prej 138 milionë eurosh për një marrëveshje gjashtëvjeçare

15 Shtator 2022, 13:45 Nga DOSJA
Superkupa e Italisë me “Final Four”, Arabia Saudite bën
Superkupa e Italise

ITALI- Maxi-oferta vjen nga Arabia Saudite në Serinë A për Superkupën e Italisë. Sipas asaj që raportohet nga MF-Milano Finanza, ka ardhur një propozim prej 138 milionë eurosh për një marrëveshje gjashtëvjeçare, deri në 2028/29, me një shifër që shkon 23 milionë neto në sezon (shteti pritës do të paguante shpenzimet e udhëtimit dhe të akomodimit), një vlerë praktikisht tre herë më e lartë se vlera 8 milionë euro e kontratës aktuale.

Oferta lidhet me formatin e ri të garës, që do të përfshijë një turne me katër ekipe të ngjashëm me atë të organizuar nga Spanja. Pjesëmarrës do të ishin dy të parët e klasifikuar në Serie A dhe dy finalistët e Kupës së Italisë. Turneu do të zhvillohet në tre ndeshje, dy gjysmëfinale dhe një finale. Skuadra fituese ose një nga pjesëmarrësit e tjerë do të shkonte përfundimisht të përballej me klubin fitues të Superkupës së Arabisë Saudite.

Një delegacion nga Lega Serie A, i drejtuar nga Luigi De Siervo, pritet në Riad në ditët në vijim për të negociuar me përfaqësuesit dhe për të tentuar të përmirësojë kushtet e kontratës, duke ngritur më tej një ofertë tashmë monstruoze.

E.Ç (Dosja.al)

serie a superkupa e italise futbolli italian

Sondazh

Poll

MË SHUMË