Aktualitet

I mori jetën fqinjit për një tub uji, Policia ka dyshime se Manellari mund të jetë vetëvrarë

Deri tani nuk ka asnjë gjurmë të tij në çdo vend që është kërkuar, ndaj Policia e Shtetit po heton edhe në një pistë tjetër. Ka dyshime se autori i krimit mund të jetë vetëvrarë.

10 Shtator 2022, 17:19 Nga k.m.
I mori jetën fqinjit për një tub uji, Policia ka dyshime se
Fatmir Manellari, Safet Hyskollari

POGRADEC- Kanë kaluar 3 ditë nga vrasja në fshatin Gështenjas, por autori i ngjarjes Fatmir Manellari ende nuk është kapur nga Policia e Shtetit. Kërkimet vazhdojnë ende nga patrullat policore ndërsa janë shtrirë edhe në të gjithë zonën e Mokrës.

Deri tani nuk ka asnjë gjurmë të tij në çdo vend që është kërkuar, ndaj Policia e Shtetit po heton edhe në një pistë tjetër. Ka dyshime se autori i krimit mund të jetë vetëvrarë.

Manellari, 63 vjeç, vrau më 7 shtator fqinjin e tij Safet Hyskollari, i cili ishte kthyer në fshat pas 20 viteve emigrim në SHBA. Sipas dëshmitarëve okularë, Safet Hyskollari kishte nisur që të rregullonte rrugën, përmes të cilës futej në banesën e tij, e në gropat e hapura kishte vendosur disa tuba për shkarkimin e ujrave të zeza. Pikërisht në këtë moment, Fatmir Manellari ka pretenduar se ishin futur në tokën e tij dhe ka nisur konflikti verbal mes tyre. Por nuk është ndalur me aq. 63-vjeçari e ka qëlluar katër herë me thikë komshiun e tij, duke i shkaktuar vdekjen.

fatmir manellari safet hyskollari

Sondazh

Poll

MË SHUMË