Aktualitet

Korçë/ Atentati ‘blof’ ndaj Mateo Alikos, policia shoqëron 15 persona

25 Shkurt 2019, 08:28 Nga DOSJA

Korçë/ Atentati ‘blof’ ndaj Mateo Alikos, policia

Policia e Korçës ka shoqëruar 15 persona në komisariat në lidhje me atentatin e dështuar që ndodhi mbrëmjen e kaluar në Korçë. Ende nuk janë identifikuar autorët por burime për Dosja.al shprehen se në vendin e ngjarjes janë gjetur më shumë se 5 gëzhoja.

Raportohet se nga të shtënat me armë zjarri është thyer edhe xhami i një banese.

Si ndodhi atentati

Mbrëmjen e kaluar u regjistrua një atentat në qytetin e Korçës rreth orës 22:00. Ngjarja ndodhi në lagjen nr. 4, pranë shkollës “Demokracia” teksa dy persona kanë hapur zjarr drejt një automjeti të parkuar, por pa lënduar njeri.

Brenda automjetit tip “Tuareg” ku u qëllua me breshëri kallashnikovi nuk ka qenë asnjë person, në momentin që është bërë atentati dhe rrjedhimisht autorët kanë dalë blof. Pronari i makinës drejt të cilës është qëlluar me breshëri plumbash rezulton të jetë Mateo Aliko, një person me precedentë penalë.

Deri më tani dyshohet se shkak i ngjarjes të jetë një konflikt i vjetër midis autorëve dhe shënjetrës 29-vjeçarit, Mateo Aliko.

Kush është Mateo Aliko?

Mateo Aliko, 29 vjeç, banues në Korçë ka vetëm pak muaj që ka dalë nga burgu ku ishte dënuar me 7 vite, për grabitje me pasojë plagosje. Ngjarja ndodhi në vitin 2008 në një pikë kazinoje që ndodhej në segmentin Dishnicë-Korçë.

Mateos Aliko së bashku me Gentian Kostën dhe Markel Bushon të armatosur grabitën 800 mijë lekë. Të maskuar ata u futën në pikën e bastit për të vjedhur por lanë të plagosur tre persona. Atentati i mbrëmjes së sotme mendohet të jetë një hakmarrje për plagosjet e vitit 2008.(Lexo këtu)

(f.m/dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

aktualitet aktualitet atentat blof atentat ne korce bresheri kallashnikovi bresheri plumbash mateo aliko tuareg atentat blof atentat ne korce bresheri kallashnikovi bresheri plumbash mateo aliko tuareg