Politike

Sula: Akuzat e Metës, të pabaza, nuk ndërhyhet në dokumente! Gjërat të çohen deri në fund

Ajo u shpreh se nuk ka shkelur ligjin dhe se së bashku me anëtarët e Autoritetit të Dosjeve ka bërë vetëm detyrën.

8 Shtator 2022, 22:22 Nga e.k
Sula: Akuzat e Metës, të pabaza, nuk ndërhyhet në dokumente!
Gentiana Sula

TIRANË- Kryetarja e Autoritetit të Dosjeve Genta Sula, u shpreh se është e gatshme t'i shkojë deri në fund përballjes në Gjykatë me kreun e PL-së, Ilir Meta. 

E ftuar në emisionin "Opinion", Sula tha se nuk mund të ndërhyhet në dosje dhe se ato janë autentike. Ajo u shpreh se nuk ka shkelur ligjin dhe se së bashku me anëtarët e Autoritetit të Dosjeve ka bërë vetëm detyrën.

PJESË NGA INTERVISTA

Blendi Fevziu: Z. Meta është përfshirë në një denoncim. Nga erdhi ky informacion, pse u hapën këto dosje?

Gentiana Sula: Ka qenë një e-mail informal dhe e-maili përmes shumë informacioneve është nisur në disa adresa të huaja. Nuk ka dalë nga ne. Ky e-mail na tregonte vendodhjen ku mund të gjendet dokumenti. Autoriteti ka disa mjete identifikimi dhe protokolli, futja brenda në dosje jo gjithmonë mund të përfshihet, ky email është informal, jo anonim. Autoriteti u mblodh dhe pastaj nuk e legjitmoi këtë kërkesë. Vendosëm të mos i përgjigjemi sepse nuk i plotësonte kriteret. E-maili kishte disa gjëra dhe këtij e-maili i thamë që janë 3 rrugë ku mund të marrësh informacione.

Pyetje: Ky email ju thoshte çfarë?

Gentiana Sula: Na thoshte locationin se ku të kërkonimi. U konstatua ekzistenca e një dokumenti dhe se personi mbrohej nga komisioni i mëparshëm për këtë arsye ju drejtuam parlamentit.

Pyetje: Pse ju drejtuat parlamentit, Meta nuk mban një detyrë parlamentare?

Gentiana Sula: Sepse parlamenti kishte kërkuar pastëri figure. 

Pyetje: Si doli emri i Metës?

Pyetje: Ka aludime se mund të jetë ndërhyrë në dosje

Gentiana Sula: Ne nuk kemi nxjerrë emër, kemi përdorur iniciale. Kemi ruajtur të dhënat personale. Në raport me dosjen sigurisht që ka aludime. Përsa i përlket autencitetit ne i zbatojmë dhe nuk kemi indicie që ka ndërhyrje. Dokumentat kanë motivim të caktuar, unë dua të them këtë, ekzistojnë të gjitha rrugët institucionale por duke bashkëpunuar.

Pyetje: A është bërë kjo për të goditur zotin Metas

Gentiana Sula: Ligjet janë rruga e drejtë.

Pyetje: A mendoni se keni shkelur ligjin?

Gentiana Sula: Akuzat i kemi hedhur poshtë, asnjë nga akuzat nuk qëndron. Gjërat të çohen deri në fund.

Si u bë publike çështja e ekzistencës së dosjes së Metës?

Autoriteti për Informimin mbi Dokumentet e ish-Sigurimit të Shtetit në Shqipëri tha që ish-presidenti Ilir Meta ka qenë bashkëpunëtor i Sigurimit Shtetëror në kohën e komunizmit. Meta i hodhi poshtë këto akuza duke thënë se janë të motivuara politikisht. Sipas dokumentit që Autoriteti për Informimin mbi Dokumentet e ish-Sigurimit të Shtetit në Shqipëri ka dorëzuar në Kuvendin e Shqipërisë, kërkohet miratimi i disa ndryshimeve ligjore, të cilat më pas japin mundësinë e riverifikimit të figurave që janë pajisur me “certifikatën e pastërtisë”. Në dokument thuhet se emri i Metës (Ilir Metaj) ka rezultuar në dosjet e Sigurimit të Shtetit. Ky lajm u bë i ditur vetëm pak ditë pasi Meta përmbylli mandatin e tij 5-vjeçar si President dhe u rikthye në partinë që e kishte themeluar vetë, Lëvizjen Socialiste për Integrim, të cilës me rikthimin e tij iu ndryshua emri në Partia e Lirisë.

gentiana sula

Sondazh

Poll

MË SHUMË