Aktualitet

Meledin Aldili u zhduk në Bjeshkë, apeli: Nxirrni helikopterët, konsiderojeni si djalë deputeti e na ndihmoni ta gjejmë

Ai shton se në kërkime është përfshirë dhe Policia e Kosovës, por që duhen intensifikuar.

5 Shtator 2022, 16:03 Nga F.M
Meledin Aldili u zhduk në Bjeshkë, apeli: Nxirrni helikopterët,
Meledin Adili

KUKËS- Vullnet Beluli, i afërm i 26-vjeçarit Meledin Adili kërkon që për të afërmin e tij të nisin kërkimet me dron, qen kufiri apo helikopter. Në një prononcim për Report TV, Beluli thotë se territori në Bjeshkë është shumë i vështirë për vetë të afërmit dhe se kjo ua vështirëson kërkimet. Ai shton se në kërkime është përfshirë dhe Policia e Kosovës, por që duhen intensifikuar. Teksa apelon për ndihmë, Beluli u lutet autoriteteve që ta konsiderojnë Adilin si një djalë deputeti dhe jo si një të varfër.

“Kemi filluar kërkimet që në orën 17. Moti ka qenë me vetëtima, ne u larguam se moti ishte shumë i keq, kemi nisur kërkimet në orën 4 të mëngjesit, pas 10 orëve kërkim nuk kemi gjetur gjë, duhet ndërhyrje ju lutem nga shtetit, ju lutem ju përgjërohem, se është një djalë i ri 26-vjeç, llogariteni sikur është fëmija e e një deputeti, edhe pse ne jemi fukarenj dhe dilnim dhe mbledhim boronica. Sado ta njohësh rrugën, humbësh, ka shkëmbinj të mëdhenj, ka humnera, kemi kërkuar ndihmën e autoriteteve, deri tani kërkimet e policisë, në këtë zonë duhet të kërkojnë në bjeshkën e Brodit, Kazanet e Brodit, bjeshka është e pafundme. Ai ka numër telefoni, nuk i shkon zilja, si mund ta gjejnë me GPS, ai ka dalë për copë buke. Policia e Kosvës ka ndërhyrë me makina, po me makina nuk lëvizet, se duhet ecur me këmbë, bjeshka është e rrezikshme nuk shihet njeriu me njeriun, prej mjegullës. Edhe në korrik është moti i paqëndrueshëm, është lartësi mbi 1600 metra,”- tha ai ndër të tjera.

23-vjeçari Meledin Izedin Adili është i riu nga Borja i cili është zhdukur që nga dita e djeshme. Ai ka qenë duke mbledhur boronica në Bjeshkë në momentet e fundit që ka humbur kontaktet me familjen. Kanë qënë familjarët ata që kanë denoncuar për zhdukjen e të riut ndaj policia kufitare ka nisur kërkimet për gjetjen e 23-vjeçarit.

 

vullnet beluli meledin adili

Sondazh

Poll

MË SHUMË