Bota

Zelenskyy u dha rusëve vilën me qera? Mediat italiane publikuan lajmin bombastik, agjenti imobiliar mohon gjithçka

Prej ditësh në Versilia, në pjesën verilindore të Toskanës, qarkullojnë thashethemet se një çift rus nga Londra ka marrë me qira një vilë private në pronësi të presidentit ukrainas.

2 Shtator 2022, 16:01 Nga k.m.
Zelenskyy u dha rusëve vilën me qera? Mediat italiane publikuan lajmin
Volodymyr Zelenskyy

ITALI- Gazetat italiane njoftuan se presidenti ukrainas Volodymyr Zelenskyy i dha me qira vilën e tij në Forte dei Marmi një çifti rus nga Londra në gusht. Prej ditësh në Versilia, në pjesën verilindore të Toskanës, qarkullojnë thashethemet se një çift rus nga Londra ka marrë me qira një vilë private në pronësi të presidentit ukrainas.

Megjithatë, këto thashetheme morën një ton më serioz pas raportimit të lajmit nga gazeta italiane "Il Tireno". Siç kanë shkruar ata, agjencia imobiliare përmes së cilës jepet me qira vila ka negociuar me turistë koreanë, të cilët synonin ta merrnin me qira për gjithë gushtin, me një çmim prej 50 deri në 70 mijë euro.

Zelenskyy u dha rusëve vilën me qera? Mediat italiane publikuan lajmin
Vila e Zelenskyy-t

Ajo marrëveshje me sa duket dështoi dhe u arrit një marrëveshje e re për t'i dhënë me qira pronën për të gjithë gushtin një çifti rus që jetonte në Londër. Ky skandal u shfaq pas thirrjeve publike të Zelenskyy-t drejtuar italianëve që të mos marrin me qira prona të paluajtshme për qytetarët rusë. Por Agjencia e pasurive të paluajtshme i ka mohuar kategorikisht këto pretendime.

"Nuk mund të shtoj asgjë më shumë për shkak të kushteve të kontratës dhe për të mbrojtur privatësinë e klientit, por ajo që u publikua është e pavërtetë. Ne e kemi të ndaluar për t'u dhënë me qira këtë pronë qytetarëve rusë apo ukrainas," - tha agjenti.

Ndërsa Bruno Murzi, kryebashkiaku i Forte dei Marmi, ku ndodhet vila, nuk e dinte se Zelenskyy e kishte pronën.

"Para luftës e dinim vetëm se ishte pronë e huaj," - tha ai.

Një lajm që ngjall bujë, pasi presidenti ukrainas muaj më parë kishte bërë një apel që të mos ofronte mikpritje në Itali për qytetarët dhe jahtet ruse.

Vila ndodhet në bregdetin e Versilias. Misteri është se kjo vilë nuk është banuar asnjëherë nga presidenti i Ukrainës, ndonëse është blerë me një shifër të lartë parash, plot 3.8 mln euro. Vila ka 15 dhoma ku gjashtë janë dhoma gjumi, një kopsht të madh dhe një pishinë. Vila ka një stil mjaft të veçantë dhe paraqet një arkitekturë moderne të frymëzuar nga shtëpitë e mëdha të vjetra të Fortes. Vila ndodhet në një nga lagjet më të frekuentuara nga qytetarët e pasur rusë.

volodymyr zelenskyy

Sondazh

Poll

MË SHUMË