Politike

Reagimi i BE për Portin e Durrësit, Meta: Qeveria e korruptuar fsheh një tjetër mega-vjedhje

Kreu i Partisë së Lirisë, deklaron se e përshëndet qëndrimin e BE për faktin se ka nevojë për transparencë dhe kushte të barabarta për kompanitë që konkurrojnë.

1 Shtator 2022, 10:36 Nga A.B
Reagimi i BE për Portin e Durrësit, Meta: Qeveria e korruptuar fsheh
Ilir Meta

TIRANË- Kryetari i Partisë së Lirisë, Ilir Meta ka reaguar pas deklaratës së Delegacionit të Bashkimit Europian në lidhje me projektin për ndërtimin e portit të ri të Durrësit. Meta shkruan në 'Facebook' se e përshëndet qëndrimin e BE për faktin se ka nevojë për transparencë dhe kushte të barabarta për kompanitë që konkurrojnë.

REAGIMI I PLOTË I METËS:

E përshëndes qëndrimin e Delegacionit të Bashkimit Europian në Shqipëri lidhur me projektin e Portit të Durrësit dhe ndaj të njëjtat shqetësime, të shprehura edhe më herët, lidhur me nevojën për transparencë. Shqipëria dhe Durrësi kanë nevojë për investitorë seriozë strategjikë dhe vendime të mirëkonsultuara me qytetarët, shoqërinë civile dhe ekspertët, në respekt të Kushtetutës, sovranitetit shtetëror mbi infrastrukturën strategjike, parimet e konkurrencës, detyrimet që burojnë nga Marrëveshja e Stabilizim-Asocimit dhe Procesi i Berlinit. Injorimi i këtyre detyrimeve dhe parimeve shumë të rëndësishme të funksionimit të një shteti ligjor, që synon anëtarësimin në BE, do të thotë se interesi i vetëm i kësaj Qeverie të korruptuar dhe të inkriminuar është për një tjetër aferë pas së cilës fshihet një mega-vjedhje dhe pastrim parash.

ilir meta

Sondazh

Poll

MË SHUMË