Sport

ZYRTARE: Milani tani ‘pronë’ amerikane, RedBird e bleu për 1.2 miliardë euro!...

Fondi i drejtuar nga Gerry Cardinale bleu 99.93% të aksioneve të kuqezinjve nga fondi Elliott

31 Gusht 2022, 19:14 Nga DOSJA

ZYRTARE: Milani tani ‘pronë’ amerikane, RedBird e bleu për

ITALI - Dorëzimi i shumëpritur më në fund ka ardhur: nënshkrimet e fundit janë hartuar dhe një shënim zyrtar ratifikon ndryshimin e pronësisë së AC Milan. 99.93% e aksioneve të kuqezinjve kalojnë nga duart e familjes Singer (pronar i fondit Elliott), te Gerry Cardinale (themeluesi i RedBird). Një zinxhir korporatash ka lehtësuar tranzicionin: 1.2 miliardë euro është shuma totale e operacionit, por RedBird do të paguajë vetëm 600 milionë, falë një kredie shitësi (borxhi i blerësit ndaj shitësit, ose financuar nga vetë Elliott) me interes vjetor në 7%.

Investitorët që kanë lejuar fondin të përfundojë blerjen e Milanit janë të shumtë dhe të shquar: një nga më kryesorët është familja Steinbrenner, pronare e New York Yankees. Yankee Global Enterprises, thuhet në shënimin e kompanisë, "hyn në një partneritet strategjik dhe fiton një aksione të pakicës". Ndër të tjera, edhe fondi kalifornian Main Street Capital, nga i cili kalojnë paratë e LeBron James. Pjesë e konsorciumit është edhe sipërmarrësi italian Riccardo Silva, i cili ndër të tjera është pronar i Miami FC. 

ZYRTARE: Milani tani ‘pronë’ amerikane, RedBird e bleu për

Scaroni do të mbetet president, ndërsa Gazidis duket se nuk dëshiron të vazhdojë kontratën e tij që i skadon në nëntor. Sigurisht që klubi i ri (i vjetër) do të duhet të përballet me sfida gjithnjë e më ambicioze: të afirmojë markën kuqezi në krye të Europës, të mbrojë trengjyrëshin në gjoks dhe të zgjidhë nyjën e stadiumit të ri.

Gerry Cardinale është fytyra e pronarit të ri dhe ai do të prezantohet në universin e AC Milan në orët e ardhshme në dhomën e shtypit. Gjithsesi, shenjtërimi do të arrijë këtë të shtunë në derbi. Ish-bankieri i Goldman Sachs do të jetë në tribunë për të parë ndeshjen e ekipit të tij kundër kushërinjve të tij të Interit.

ZYRTARE: Milani tani ‘pronë’ amerikane, RedBird e bleu për

B.T (Dosja.al)

Sondazh

Poll

MË SHUMË