Sport

Fitore ‘me gjak’ e Tiranës ndaj Egnatias, golat e Kallakut dhe Hasanit për Qefaliajn

Bardheblutë, pas barazimit një javë më pare, ngjiten në kuaotën e 4 pikëve, ndërsa rrogozhinasit rregjistrojnë humbjen e dytë

28 Gusht 2022, 19:06 Nga DOSJA

Fitore ‘me gjak’ e Tiranës ndaj Egnatias, golat e Kallakut dhe

RROGOZHINE - Ka përfunduar me tri pikë ‘aventura’ e kampionëve bardheblu të Tiranës në transfertën ndaj Egnatias në stadiumin e Rrogozhinës. Kanë qenë kjo fitore e marrë me ‘gjak’.

Futbollistët kryeqytetas, golat e Kallakut (14’) dhe Hasanit (54’) ia kushtuan shokut të tyre Klevi Qefalija, i cili i gjakosur, në minutën e 33-të u detyruar të braktiste ndeshjen dhe me autoambulancë të largohej nga ‘Egnatia Arena’ në drejtim spitalit për të marrë një ndihmë mjekësore më të specializuar.

Të tronditur nga ngjarja, lojtarët (disa nuk mundën të përmbanin as lotët) e kishin të vështirë të rinisnin ndeshjes, derisa, pas 10 minutash nga spitali i Rrogozhinës erdhi lajmi që Qefalia është përmendur.

Ndeshja rinisi në minutën e 43-të dhe në vazhdim, edhe pse vendësit u përpoq për të ndryshuar rrjedhën e ndeshjes, futbollistët e Tiranës e dyfishuan epërsinë e tyre me anë të Hasanit në minutën e 54-t. Kuptohet, goli i bardhebluve iu dedikua shokut të tyre të aksidentuar Klevi Qefalijas, duke e kontrolluar me qetësi takimin.

B.T (Dosja.al)

Sondazh

Poll

MË SHUMË