Sport

Verstappen më i shpejti në garën e Belgjikës, por Sainz i merr ‘Pole-Position’! Zbulohet penaliteti i holandezit

Carlos Sainz siguron Pole Position në Çmimin e Madh të Belgjikës, gara e katërmbëdhjetë e sezonit.

27 Gusht 2022, 18:36 Nga DOSJA

Verstappen më i shpejti në garën e Belgjikës, por Sainz i

BELGJIKË- Carlos Sainz siguron Pole Position në Çmimin e Madh të Belgjikës, gara e katërmbëdhjetë e sezonit. Piloti i Ferrarit trashëgon vendin e parë në start nga Max Verstappen i cili ishte më i shpejti në këtë garë, por i penalizuar, për shkak të ndërrimit të motorit dhe në garën e madhe do të niset i 15-ti.

Sainz do ta ndajë vijën e parë të startit me meksikanin e Red Bull, Sergio Perez, ndërsa në vendin e tretë do të jetë Fernando Alonso me makinën Alpine,ndërsa ish-kampioni i botës Lewis Hamilton do të niset në vendin e katërt. Janë të shumtë pilotët që kanë vendosur të modifikojnë motorët në këtë garë, ndaj penalitetet do të jenë të shumta.

Kështu, nga vendet e fundit do ta nisin këtë garë edhe Ocon, Norris, Bottas e Schumacher, duke favorizuar dy makinat Mercedes, që sot nuk ishin shumë të shpejta. Duke parë këtë situatë dhe kushtet atmosferike jo fort të qëndrueshme, pritet që gara e së dielës të jetë mjaft e fortë e spektakolare.

E.Ç (Dosja.al)

 

carlos sainz ferrari formula 1

Sondazh

Poll

MË SHUMË