Art&Argëtim

U shit 34.9 milion $, ekspozohet autoportreti i rrallë i Frida Kahlos! Për 25 vjet qëndroi "i fshehur"

Ishte pikërisht themeluesi i këtij muzeu ai që e ka blerë pikturën më të shtrenjtë në histori të Amerikës Latine.

25 Gusht 2022, 14:24 Nga e.k
U shit 34.9 milion $, ekspozohet autoportreti i rrallë i Frida Kahlos!
Portreti ikonë i artistes së famshme meksikane Frida Kahlo

BRAZIL- Për herë të parë pasi çerek shekulli, është ekspozuar në Muzeun e Buenbos Ajres autoportreti ikonë i artistes së famshme meksikane Frida Kahlo, i titulluar “Diego dhe unë”.

Ishte pikërisht themeluesi i këtij muzeu ai që e ka blerë pikturën më të shtrenjtë në histori të Amerikës Latine.

“E kam njohur veprën “Diego dhe unë” për dyzet vjet. Nga afër megjithatë, nuk e kisha parë ndonjëherë, vetëm nëpër libra. Kur u mësua se ajo do të dilte në shitje, filluam të dridhemi..Ishte e pabesueshme për ne. Tani, ç’tju them për vlerën e saj. Ndonjëherë hasni në vepra të tilla që ju shkatërrojnë të gjitha financiat, por që ia vlen plotësisht“- shprehet Eduardo Costantini, themeluesi i muzeut.

Costantini e bleu disa muaj më parë pikturën e shumëlakmuar për 34.9 million dollarë në Nju Jork në një ankand të Sotheby. Kjo përbën herën e parë që prej 1998-tës që ajo ekspozohet për publikun e gjerë.

 

 

 

frida kahlo eduardo costantini

Sondazh

Poll

MË SHUMË