Politike

Përballja me Qeverinë në shtator, Meta: Mezi po e pres, këtë radhë do shpartallohen

Meta tha se në muajin e ardhshëm qeveria do të 'shpartallohet' dhe do të bjerë në humnerë.

25 Gusht 2022, 14:25 Nga A.B
Përballja me Qeverinë në shtator, Meta: Mezi po e pres,
Ilir Meta

VLORË- Kryetari i Partise së Lirisë, Ilir Meta deklaroi ditën e sotme se mezi pret shtatorin për të nisur fushatën ku do të fitojë e drejta. Në një intervistë për 'Euronews Albania', Meta tha se në muajin e ardhshëm qeveria do të 'shpartallohet' dhe do të bjerë në humnerë.

Pyetje: Socialistët shtatorin e shohin si nje muaj përballje me ju për shkak të një dosje të pretenduar në ngarkimin tuaj?

Ilir Meta: Që nga 25 korriku unë kam dalë përballë të gjithë atyre të cilët kanë një kohë të gjatë që punojnë kundër interesave kombëtare, interesit të shtetit tonë, interesit publik, kundër rinisë, duke nxitur depresionin, demotivimin e saj e largimin me qëllim zëvendësimin me bangladeshas. Unë mezi po e pres 1 ,2 shtatorin e në vijimësi, tani jemi në një fushë ku pa asnjë diskutim do fitojë e drejta, e vërteta, ata patjetër do stisin e do shpikin por këtë rradhë do shpartallohen. Për Ilir Metën ata do bien vetë e nuk e dinë që nuk është thjesht një gropë por një humnerë pafund për ta në të cilën ata do bien vetë.

ilir meta

Sondazh

Poll

MË SHUMË