Politike

Hetimi i Metës, Kim mbron Krajën: S'pranojmë më kërcënimet për prokurorët, askush mbi ligjin!

Reagimi i ambasadores vjen fill pasi SPAK njoftoi se ka nisur hetimet për Metën, ndërsa ky i fundit akuzon se SPAK dhe Arben Kraja janë shërbëtorë partie

24 Gusht 2022, 14:43 Nga f.g
Hetimi i Metës, Kim mbron Krajën: S'pranojmë më
Yuri Kim dhe Ilir Meta

TIRANE- Ambasadorja e Shteteve të Bashkuara të Amerikës në Shqipëri, Yuri Kim është rreshtuar krah drejtuesit të Prokurorisë së Posaçme, Arben Kraja, i cili u sulmua më herët nga kryetari i Partisë së Lirisë Ilir Meta, që e quajti "një spurdhjak partie që i shërben mafies". Në një qëndrim zyrtar në Twitter, Kim thotë se kërcënimet për të prishur reformën nuk duhet të pranohen, ndërsa flet për të "paprekshëm që sot janë të shqetësuar". "Askush nuk është mbi ligjin",-thekson dhe mbyll ajo reagimin e saj.

REAGIMI I YURI KIM: 

Kërcënimet dhe nxitjet për prokurorët dhe gjyqtarët - dhe përpjekjet e tjera për të prishur reformën në drejtësi - nuk duhet të pranohen më si "normale". Kjo sjellje nuk i përket një vendi që është në NATO, ka hapur negociatat për anëtarësim dhe është ulur në Këshillin e Sigurimit të OKB-së. ër një kohë të gjatë, të pasurit dhe/ose të fuqishmit kanë besuar se janë të paprekshëm. Tani ata janë të shqetësuar, mosndëshkueshmërisë së tyre mund t'i vijë fundi. Ndërsa reforma në drejtësi zbatohet dhe jep gjithnjë e më shumë rezultate, do të bëhet më e qartë se askush - ASKUSH - nuk është mbi ligjin.

Reagimi i ambasadores vjen fill pasi SPAK njoftoi se ka nisur hetimet për Metën, ndërsa ky i fundit akuzon se SPAK dhe Arben Kraja janë shërbëtorë partie. Çfarë ndodhi sot?Prokuroria e Posaçme SPAK njoftoi se ka nisur hetimin për ish-presidentin e Republikës, Ilir Meta, sot kryetar i ish-LSI, e ndryshuar në emrin Partia e Lirisë pas kallëzimit të disa muajve më parë që iu bë nga Valteri. SPAK kërkon informacion nga disa institucione përfshirë edhe Komisionin Qendror të Zgjedhjeve, të cilit i kërkoi formularin e dekriminalizimit. Disa javë më parë, Meta u akuzua nga Autoriteti i Dosjeve si bashkëpunëtor i Ish-Sigurimit të Shtetit, por hetimi i sotëm lidhet me një tjetër çështje. Kallëzimi i Valterit lidhet me një artikull të gazetës austriake, "Kronen Zeitung", e cila e akuzonte Metën se kishte paguar 700,000 mijë dollarë për lobim në SHBA, përmes një kompanie offshore qipriote. Lobimi lidhej me një foto që Meta bëri në ceremoninë e inagurimit të presidentit Donald Trump. 

 

spak nis hetimet per meten arben kraja

Sondazh

Poll

MË SHUMË