Sport

Sergio Ramos merr 'frenat' e liderit në ekip, PSG kërkon rivalë për të...

Sipas ‘L'Équipe’, Luis Campos është treguar i sinqertë me spanjolin dhe e ka paralajmëruar se janë në kërkim të konkurrencës. Megjithatë, ai konsiderohet lider në dhomat e zhveshjes.

21 Gusht 2022, 12:18 Nga DOSJA

Sergio Ramos merr 'frenat' e liderit në ekip, PSG kërkon

FRANCE - Sezoni i Sergio Ramos për momentin ndryshon rrënjësisht me atë të mëparshëm. Ai i ka harruar dëmtimet e vazhdueshme që e penguan të performonte rregullisht gjatë vitit të kaluar dhe ka bërë një hap përpara. Ramos është pozicionuar, si një nga tre mbrojtësit qendrorë të Galtier, duke fituar gjithnjë e më shumë rëndësi në dhomat e zhveshjes. 

Pavarësisht lidershipit dhe hierarkisë së Ramosit te PSG, klubi francez është ende duke punuar për të nënshkruar me një mbrojtës, që mund të konkurrojë me andaluzianin. Sipas ‘L'Équipe’, këshilltari i ri sportiv i parizienëve, Luis Campos, e ka paralajmëruar spanjolin se ata po përpiqen të nënshkruajnë me një qendërmbrojtës, me synimin për të rritur konkurrencën e ekipit. Kjo nuk e ka shqetësuar Ramosin, por e kundërta, pasi marrëdhënia mes spanjolit dhe portugezit është e përzemërt dhe e sinqertë.

Ndër opsionet që drejtori sportiv po shqyrton, është përjashtuar plotësisht pista Skriniar. Slloveni ishte prioriteti i Luis Campos për të përforcuar mbrojtjen e PSG-së, por pretendimet e larta të Interit, të cilat nuk zbritën nën 70 milionë, i ndërprenë negociatat. Simakan, nga Leipzig, ishte një tjetër lojtar i monitoruar, por qendërmbrojtësi do të vazhdojë në Gjermani edhe për një vit, kështu që PSG ka dhjetë ditë për të nënshkruar me një mbrojtës që mund të konkurrojë me Ramos.

Forma e mirë fizike e Sergio Ramos e ka lejuar atë, nga ana tjetër, të marrë drejtimin e dhomës së zhveshjes. Javën e kaluar, në mes të tensionit që u krijua me Mbappe dhe Neymar për shkak të penalltive, ish-lojtari i Real Madridit ndërmjetësoi mes të dyve për të rregulluar skuadrën. "Ai është një bos,"- thanë punonjës të PSG-së për ‘L'Équipe’. Në moshën 36-vjeçare, qendërmbrojtësi ëndërron të jetë edhe në Kupën e Botës në Katar, pasi ka rikthyer sensacionet javët e fundit.

B.T (Dosja.al)

Sondazh

Poll

MË SHUMË