Bota

Flet nga burgu autori që sulmoi shkrimtarin: Jam i habitur që mbijetoi

Një burrë nga Nju Xhersi, i cili dyshohet se sulmoi Salman Rushdie në perëndim të Nju Jorkut javën e kaluar, lavdëroi Ajatollahun iranian në një intervistë ekskluzive në burg dhe pranoi se nuk mendonte se autori do të jetonte pas sulmit.

17 Gusht 2022, 18:08 Nga s.s
Flet nga burgu autori që sulmoi shkrimtarin: Jam i habitur që mbijetoi
Hadi Matar

SHBA- Një burrë nga Nju Xhersi, i cili dyshohet se sulmoi Salman Rushdie në perëndim të Nju Jorkut javën e kaluar, lavdëroi Ajatollahun iranian në një intervistë ekskluzive në burg dhe pranoi se nuk mendonte se autori do të jetonte pas sulmit. "Kur dëgjova se ai mbijetoi, u habita", tha Hadi Matar, në një intervistë nga burgu i qarkut Chautauqua.

Ai tha: “Unë e respektoj Ajatollah. Mendoj se ai është një person i madh. Kjo është aq sa do të them unë për këtë. Kam lexuar disa faqe. Nuk e lexova të gjithë artikullin nga kopertina për ballë”. Matar mohoi se ishte në kontakt me Gardën Revolucionare të Iranit dhe tha se ishte i frymëzuar të shkonte në Chautauqua pasi pa një postim në Twitter që njoftonte vizitën e Rushdie në dimër, raporton nypost.com.

“Nuk më pëlqen personi. Nuk mendoj se është një person shumë i mirë. Nuk më pëlqen ai. Nuk më pëlqen shumë. Ai është dikush që sulmoi Islamin, ai sulmoi besimet e tyre, sistemet e besimit”, tha ai për Rushdie. Matar kishte veshur një kostum burgu bardh e zi dhe një maskë të bardhë pëlhure teksa fliste për ‘New York Post’, i cili ndonjëherë shikonte poshtë dhe fliste me ton të lehtë.

Matar tha se shikonte video të autorit në YouTube. "Kam parë shumë leksione. Nuk më pëlqejnë njerëzit që janë kaq të pa sinqertë”, tha ai. Matar tha për ‘New York Post’ se ai mori një autobus për në Buffalo një ditë para se të përpiqej të vriste Rushdie.

"Është një vend i bukur. Isha duke u rrotulluar shumë nëpër qytet, duke mos bërë asgjë në veçanti, thjeshtë duke ecur rreth e përqark. Unë kam qenë vetëm jashtë gjatë gjithë kohës”, tha ai. Ai shtoi gjithashtu se ka fjetur në bar të enjten mbrëma.  Sulmuesi u ankua për kushtet e burgut në të cilin ai ndodhet. "Shumë nga ushqimet që më kanë dhënë nuk lejohen të hahen në fenë time", tha ai.

shba new jersey salman rushdie

Sondazh

Poll

MË SHUMË