Bota

Stoltenberg: Në Kosovë ndodhet prezenca më e madhe ushtarake jashtë NATO-s, kemi treguar që mbrojmë stabilitetin

Gjatë fjalës së tij Stoltenberg përsëriti qëndrimin e tij se NATO është e gatshme që të ndërhyjë nëse rrezikohet stabiliteti në Kosovë duke shtuar se prezenca më e madhe ushtarake jashtë NATO-s ndodhet në Kosovë.

17 Gusht 2022, 17:16 Nga e.k

Stoltenberg: Në Kosovë ndodhet prezenca më e madhe ushtarake

BRUKSEL-  Ka përfunduar takimi i kryeministrit të Kosovës, Albin Kurti me Sekretarin e Përgjithshëm të NATO-s, Jens Stoltenberg në Bruksel.

Gjatë fjalës së tij Stoltenberg përsëriti qëndrimin e tij se NATO është e gatshme që të ndërhyjë nëse rrezikohet stabiliteti në Kosovë duke shtuar se prezenca më e madhe ushtarake jashtë NATO-s ndodhet në Kosovë.

Jens Stoltenberg: Veprimet tona do të jenë proporcionale. Ne do të sigurojmë që lëvizjen e qytetarëve dhe komuniteteve, ne kemi treguar se NATO mund t'i bëjë të gjitha. Në Kosovë ndodhet prezenca më e madhe ushtarake jashtë NATO-s. Do ndërhyjmë nëse është e nevojshme. Ne kemi treguar se veprojmë kur rrezikohet siguria. 

Kryeministri i Kosovës, Albin Kurti dhe shefi i NATO-s, Jens Stoltenberg zhvilluan një takim në Bruksel një ditë para se të mbahet dhe dialogu Kosovë-Serbi i thërritur nga nga BE. Gjatë konferencës së përbashkët, Stoltenberg riipërsëriti se NATO është e gatshme të ndërhyjë nëse rrezikohet stabiliteti dhe siguria në Kosovë, duke theksuar se prezenca më e madhe ushtarake jashtë NATO-s ndodhet në Kosovë. Nga ana e tij Kurti u shpreh se është i gatshëm të punojë për stabilitet por Serbia është ajo që po mundohet të krijojë konflikte dhe të nxisë destabilitetin e Kosovës.

jens stoltenberg

Sondazh

Poll

MË SHUMË