Politike

Vizita e parë si President, Begaj: Liberalizimi i vizave për qytetarët e Kosovës, premtim i vonuar

Begaj tha se liberalizimi i vizave është një e drejtë që duhet ta gëzojnë të gjithë qytetarët e rajonit

15 Gusht 2022, 12:01 Nga A.B
Vizita e parë si President, Begaj: Liberalizimi i vizave për
Bajram Begaj

KOSOVË- Presidenti Bajram Begaj gjatë konferencës së përbashkët me homologen e tij Vjosa Osmanin, deklaroi se liberalizimi i vizave për Kosovën është premtim i vonuar. Më tej, Begaj tha se liberalizimi i vizave është një e drejtë që duhet ta gëzojnë të gjithë qytetarët e rajonit. Po ashtu, presidenti tha se Shqipëria mbështet fuqimisht anëtarësimin e Kosovës në NATO, aleanca garant i paqes në rajon dhe aleat strategjik i Kosovës dhe Shqipërisë

'Asnjë raport i trilluar që tenton të njollosë gjakun e shqiptarëve nuk mund te zbehë këtë trashëgimi të lavdishme. Kosova dhe Shqipëria, gëzojnë të njëjtin vizion dhe aspirata, të ardhmen në Bashkimin Evropian dhe në NATO. Reformat integruese, thelbësore për stabilitetin rajonal, për të mbështetur mirëqenien dhe paqen në rajonin tonë. Hapja e negociatave të Shqipërisë me Bashkimin Evropian një lajm i mirë për Shqipërinë, Kosovën dhe gjithë rajonin. Liberalizimi i vizave për qytetarët e Kosovës , premtim i vonuar dhe një e drejtë që ata duhet ta gëzojnë si të gjithë qytetarët e tjerë të rajonit.

Shqipëria do të vijojë mbështetjen e saj për përmbylljen me lajm pozitiv, sa më parë të jetë e mundur. Shqipëria mbështet fuqimisht anëtarësimin e Kosovës në NATO, aleanca garant i paqes në rajon dhe aleat strategjik i Kosovës dhe Shqipërisë. Aplikimi i Kosovës për anëtarësim në Këshillin e Evropës ishte vendimi i duhur. Shqipëria, zëdhënëse e interesave të Kosovës ne Këshillin e Sigurimit.'- deklaroi Begaj.

bajram begaj ne kosove

Sondazh

Poll

MË SHUMË