Sport

Inter në panik! Alarmi ngrihet nga mbrojtja, 10 gola të pësuar në 5 ndeshje: "Një rrugë e gjatë për të bërë"

Fjalët e Stefan De Vrij për Inter TV, pas disfatës ndaj Villarrealit, shpjegojnë në mënyrë të përsosur alarmin që perceptohet te skuadra zikaltër

7 Gusht 2022, 13:47 Nga DOSJA

Inter në panik! Alarmi ngrihet nga mbrojtja, 10 gola të pësuar

MILANO- Fjalët e Stefan De Vrij për Inter TV, pas disfatës ndaj Villarrealit, shpjegojnë në mënyrë të përsosur alarmin që perceptohet te skuadra zikaltër në repartin e mbrojtjes: "Kemi parë që ka ende shumë rrugë për të bërë dhe për t'u përmirësuar, veçanërisht në fazën e posedimit të topit.

Duhet të vazhdojmë të punojmë sepse kjo nuk mjafton. Nuk mund të jemi të kënaqur me rezultatet e miqësoreve, shumë gola të pësuar. Siç thashë ne duhet të përmirësohemi".Kanë mbetur edhe gjashtë ditë para startit të kampionatit dhe numri i golave ​​të pësuar nga Inter në këtë parasezon ka filluar të shqetësojë. Pesë ndeshje, një fitore, as një ndeshje e mbyllur me portën e paprekur.

Me të njëjtët lojtarë në repartin e mbrojtjes, ekipi zikaltër pësoi tetë gola më shumë se një vit më parë. Është e qartë se ka një problem dhe Inzaghi e di shumë mirë. Edhe nëse Handanovic tregoi njëfarë pasigurie, të tre prapa mbeten ende një garanci. Skriniar, De Vrij dhe Bastoni nuk diskutohen, por është e gjithë faza e mbrojtjes që ngjall shqetësim.

E.Ç (Dosja.al)

inter villareal

Sondazh

Poll

MË SHUMË